نئی دہلی: تیل کمپنیوں کی جانب سے جاری کی گئی پٹرول اور ڈیزل کی نئی قیمتوں سے صارفین کو آج بھی راحت کی سانس ملی ہے اور ان کی قیمتوں میں کوئی تبدیلی نہیں ہوئی ہے جو کہ عوام کے راحت کی بات ہے۔ دہلی میں آج ایک لیٹر پٹرول 96.72 روپے میں جبکہ ڈیزل 89.62 روپے فی لیٹر فروخت ہو رہا ہے۔ بتا دیں کہ پٹرول اور ڈیزل پر ایکسائز ڈیوٹی میں کمی کے بعد تیل کی قیمتوں میں کوئی تبدیلی نہیں ہوئی ہے۔ 21 مئی سے پٹرول اور ڈیزل کی قیمتیں مستحکم ہیں۔ Petrol Diesel Price
ملک کے تین میٹرو شہروں کی بات کریں تو ایکسائز ڈیوٹی میں کمی کے بعد ممبئی میں پٹرول 111.35 روپے فی لیٹر اور ڈیزل 97.28 روپے فی لیٹر فروخت ہو رہا ہے۔ اس کے ساتھ ہی چنئی میں پٹرول کی قیمت 102.63 روپے فی لیٹر اور ڈیزل کی قیمت 94.28 روپے فی لیٹر ہے جبکہ کولکاتہ میں پٹرول 106.03 روپے فی لیٹر اور ڈیزل 92.76 روپے فی لیٹر فروخت ہورہا ہے۔ واضح رہے کہ 21 مئی کو حکومت نے پٹرول اور ڈیزل پر ایکسائز ڈیوٹی میں کمی کی تھی جس کے بعد پیٹرول اور ڈیزل کی قیمتوں میں کمی آئی تھی۔ اس فیصلے کے بعد دہلی میں پٹرول کی قیمت 8.69 روپے اور ڈیزل 7.05 روپے فی لیٹر سستا ہو گیا ہے۔ فی الحال شرح میں کوئی خاص اتار چڑھاؤ نہیں ہوا ہے۔
