نئی دہلی: امریکی فرم ہنڈن برگ کی رپورٹ کے بعد اڈانی گروپ کی کمپنیوں کے شیئرز میں زبردست گراوٹ کی وجہ سے گزشتہ روز پارلیمنٹ میں اپوزیشن نے حکومت سے جانچ کا مطالبہ کیا ہے۔ گرتے ہوئے حصص کی وجہ سے اڈانی گروپ کے مارکیٹ کیپٹلائزیشن میں زبردست گراوٹ آئی ہے۔ اڈانی کی کمپنیوں میں سرمایہ کاری کرنے والے بھارتی بینکوں اور ایل آئی سی (ایل آئی سی) کو بھی دھچکا لگا ہے۔ سرمایہ کار بھی پریشان ہیں۔ اس معاملے پر گذشتہ روز پارلیمنٹ میں کافی ہنگامہ بھی ہوا۔ اب وزیر خزانہ نرملا سیتا رمن نے اڈانی کے معاملے پر بیان دیا ہے۔ وزیر خزانہ نے کہا ہے کہ بھارت کی صورتحال کسی بھی طرح متاثر نہیں ہوئی ہے۔
انہوں نے کہا کہ گزشتہ دو دنوں میں ہمارے زرمبادلہ کے ذخائر 8 ملین ڈالر تک بڑھ گئے ہیں۔ ایف آئی آئی آتے جاتے ہیں اور ایف پی او آتے جاتے ہیں، لیکن اڈانی کے معاملے سے بھارت کی شبیہ متاثر نہیں ہوئی ہے۔ انہوں نے کہا کہ ریگولیٹرز اپنا کام کریں گے۔ ریزرو بینک نے اپنا بیان جاری کیا ہے۔ انہوں نے کہا کہ ایف پی اوز پہلے بھی واپس لے لیے گئے ہیں۔
بتادیں کہ ہنڈن برگ کی رپورٹ کے بعد اڈانی گروپ کے شیئز میں زبردست کمی درج کی گئی، اس کے علاوہ اڈانی کی مالیات میں بھی کمی ہوئی۔ ہنڈن برگ کی رپورٹ سے قبل اڈانی دنیا کے امیر ترین افراد کے فہرست میں تیسرے نمبر پر تھے لیکن اب وہ دنیا کے بیس امیر ترین افراد کی فہرست سے باہر ہوگئے ہیں۔
