سونے کی قیمت میں اضافہ، فی 10 گرام 54,678 روپئے

دہلی میں سونے کی قیمت میں 185 روپئے کا اضافہ ہوا جبکہ اس کی قیمت 54 ہزار 678 روپئے فی 10 گرام تک پہنچ گئی۔

سونے کی قیمت میں اضافہ کی وجہ روپئے کی قدر میں گراوٹ کو سمجھا جارہا ہے۔ گذشتہ ٹریڈ میں سونے کی قیمت فی 10 گرام 54 ہزار 493 مقرر کی گئی تھی۔

عالمی سطح پر سونے کی قیمت میں زبردست اضافہ دیکھا گیا اور بین الاقوامی مارکٹ میں سونے کی قیمت 1987.95 ڈالر فی اونس پہنچ گئی۔

وہیں چاندی کی قیمت میں ایک ہزار 672 روپئے کا اضافہ ہوا اور چاندی کی قیمت بڑھ کر 66 ہزار 742 روپئے فی کیلو ہوگئی ہے۔