دارالحکومت میں آلودگی پر قابو پانے کی ایک مہم کے تحت اروند کیجریوال حکومت نے جمعہ کے روز الیکٹرانک گاڑیوں کی خریداری پر ایک بڑی راحت دیتے ہوئے رجسٹریشن فیس نہ لگانے کا فیصلہ کیا۔
وزیر اعلی اروند کیجریوال کی سربراہی میں عام آدمی پارٹی (عآپ) کی حکومت نے اس سے قبل 11 اکتوبر کو الیکٹرانک گاڑیوں پر روڈ ٹیکس میں چھوٹ دی تھی۔
ریاستی حکومت نے گاڑیوں سے ہونے والی آلودگی کو روکنے کے لیے الیکٹرانک گاڑی کی پالیسی نافذ کی ہے۔ اس کے تحت گاڑیوں کی خریداری کے لیے سبسڈی بھی دی جارہی ہے۔
اس پالیسی میں دو پہیے، آٹو رکشہ، ای-رکشہ اور مال بردار گاڑی کے لیے 30000 روپے تک کی رعایت جبکہ الیکٹرانک کار خریدنے کے لیے 1.5 لاکھ روپے کی سبسڈی فراہم کی جاتی ہے۔ سبسڈی کی رقم بجلی کی گاڑیوں کے اہل خریداروں کے کھاتے میں دو دنوں کے اندر بھجوا دی جاتی ہے۔
