بہار حج کمیٹی کا اجلاس

ریاست بہار سے عازمین حج کے جانے کا سلسلہ 4 جولائی سے شروع ہوکر 14 جولائی کو ختم ہوگا۔

اس بار ریاست سے جانے والے عازمین حج کی تعداد تقریبا پانچ ہزار ہے جو ریاستی کوٹے کا نصف حصہ ہے، اس بار 16سو عازمین حج کلکتہ سے مدینہ منورہ کیلئے روانہ ہورہے ہیں باقی 36 سو عازمین گیا بین الاقوامی ہوائی اڈے سے مدینہ منورہ کیلئے روانہ ہونگے۔

بہارحج کمیٹی کے چیرمین الیاس احمد عرف سنو بابو نے کہا کہ ذیلی کمیٹیاں تشکیل دی گئی ہیں جو اپنی اپنی ذمہ داریاں الگ الگ شعبہ میں نبھائیں گے ،انھوں نے کہا کہ اس بار کولکتہ سے بھی ریاست کے عازمین حج مدینہ منورہ کیلئے روانہ ہورہے ہیں۔ 25 جولائی سے وہ کلکتہ سے روانہ ہوں گے، انہوں نے کہا کہ اس بار 24 خادم الحجاج عازمین حج کے ساتھ روانہ ہوں گے ان میں ایک خاتون خادم بھی شامل ہے۔

اس موقع پر انھوں نے سفر حج کو سستا قرار دینے پر مرکزی وزیر مختار عباس نقوی پر تنقید کی۔ اور اس پرعدم اتفاق کا اظہار کیا۔