نئی دہلی: ملک بھر میں آج عید الاضحی کا تہوار منایا جا رہا ہے۔ اس موقع پر صدر جمہوریہ رام ناتھ کووند نے بھی ہم وطنوں کو مبارکباد پیش کی اور کہا کہ عید الاضحیٰ کے موقع پر تمام ہم وطنوں، خاص کر ہمارے مسلمان بھائیوں اور بہنوں کو مبارکباد۔ عید الضحیٰ کا تہوار قربانی اور انسانی خدمت کی علامت ہے۔ آئیے اس موقع پر خود کو بنی نوع انسان کی خدمت کے لیے وقف کریں اور ملک کی خوشحالی اور مجموعی ترقی کے لیے کام کریں۔ Leaders Extend Wishes on Eid Ul Adha
عیدالاضحیٰ کے موقع پر اتوار ک ونائب صدر ایم وینکیا نائیڈو، وزیر اعظم نریندر مودی، لوک سبھا اسپیکر اوم برلا سمیت کئی سیاست دانوں نےعوام، خاص طور پر مسلمانوں کو نیک خواہشات کا اظہار کیا۔ نائیڈو نے ٹویٹ کیا، "عید الاضحی کے پرمسرت موقع پر میری دلی مبارکباد۔ روایتی جوش و خروش کے ساتھ منایاجانے والا عید الاضحی قربانی اور خدا کے لیے عقیدت کے جذبے کی علامت ہے۔ یہ 'بانٹنے اور دیکھ بھال کرنے' اور ضرورت مندوں و غریبوں کے تئیں ہمدردی ظاہر کرنے کا موقع ہے۔ انہوں نے امید ظاہر کی کہ یہ تہوار لوگوں کو ایک دوسرے کے قریب لا کر معاشرے میں اتحاد اور بھائی چارے کے جذبے کو تقویت دے گا۔ نائیڈو نے کہا، "امید ہے کہ عید الاضحی سے جڑے عظیم نظریات ہماری زندگیوں کو امن اور ہم آہنگی سے مالا مال کریں گے اور ہمارے ملک میں خوشحالی لائیں گے۔"
وزیر اعظم نریندر مودی نے مبارکباد دیتے ہوئے کہا کہ عید الاضحیٰ کی مبارکباد، یہ تہوار ہمیں انسانیت کی بہتری کے لیے اجتماعی فلاح و بہبود اور خوشحالی کے جذبے کو آگے بڑھانے کے لیے کام کرنے کی ترغیب دیتا ہے۔ وزیراعظم نے ٹویٹ کیا کہ عید مبارک، عیدالاضحی کی مبارکباد۔ دعا ہے کہ یہ تہوار ہمیں سب کی بھلائی کے جذبے کو مضبوط کرنے اور خوشحالی لانے کے لیے مل کر کام کرنے کی ترغیب دے اور خوشحالی لائے۔
