مارکسی کمیونسٹ پارٹی کے جان برٹس نے اترپردیش کے وزیر اعلی یوگی آدتیہ ناتھ کے کیرالہ، مغربی بنگال اور جموں و کشمیر سے متعلق کئے گئے مبینہ تبصروں پر احتجاج کرتے ہوئے آج راجیہ سبھا میں قاعدہ 267 کے تحت تحریک التواء کا نوٹس دیا تھا، تاہم چیئرمین نے اسے نامنظور کر دیا۔ Notice of Adjournment Motion Rejected in Rajya Sabha
عام آدمی پارٹی کے سنجے سنگھ نے بھی اترپردیش میں کووڈ پروٹوکول کی خلاف ورزی کا معاملہ اجاگر کرتے ہوئے تحریک التواء کا نوٹس دیا تھا۔ چیئرمین نے ان کے نوٹس کو بھی نامنظور دیا تھا۔
ڈپٹی چیئرمین ہری ونش نے ایوان کی کاروائی شروع ہونے پرقانون سازی کے دستاویزات ایوان کی میز پر رکھنے کے بعد بتایا کہ مسٹر برٹس اور مسٹر سنگھ نے رول 267 کے تحت تحریک التواء کے نوٹس دیے تھے، جنہیں چیئرمین نے نامنظور کر دیا ہے۔
مزید پڑھیں:۔ Omar Abdullah Mocks Yogi: یوپی اگر کیرلا، بنگال اور کشمیر بنتا ہے تو یہ خوش قسمتی کی بات ہے
اس کے بعد انہوں نے عام بجٹ پر بحث شروع کرنے کے لیے ٹی ڈی پی کے کنکمیدلا کا نام پکارا۔ اس پر سی پی آئی (ایم) کے اراکین نے زور زور سے بولنا شروع کیا۔ مسٹر برٹس نے نظام پر سوال اٹھاتے ہوئے کہا کہ یہ ریاستوں سے متعلق مسائل اجاگر کئے جا سکتے ہیں ۔ ڈپٹی چیئرمین نے کہا کہ اس وقت یہ مسئلہ نہیں اٹھایا جا سکتا کیونکہ چیئرمین نوٹس کو نامنظور کر چکے ہیں۔ اس کے بعد انہوں نے بجٹ پر بحث شروع کی۔
(یو این آئی)
