نائب صدر جہوریہ ایم وینکیا نائیڈو نے بھارتی فوج کو سلام پیش کرتے ہوئے اتوار کو کہا کہ ملک ان کی بہادری اور ان کے گھر والوں کی ہمت کا قرض دار ہے۔
وینکیا نائیڈو نے ’یوم فتح کرگل‘ کے موقع پر ایک سلسلے وار ٹویٹ میں کہا کہ فوجیوں کی سب سے بڑی قربانی نے ملک کے لئے فخر حاصل کیا ہے۔
نائب صدر جمہوریہ نے کہا، ’’آج کرگل وجے دیوس کی 21 ویں سالگرہ کے موقع پر بھارتی فوج کی بہادری کو سلام کرتا ہوں جس کی ہمت اور بہادری نے کرگل کی لڑائی میں ملک کے لئے فتح حاصل کی ۔‘‘
نائیڈو نے کہا کہ ’’کرگل کی لڑائی میں شہادت پانے والے فوجیوں کو میرا خراج عقیدت، جنہوں نے ملک کے اتحاد اور سالمیت کی حفاظت کے لئے اپنی جانوں کی قربانی دی۔ ملک ان کی بہادری اور ان کے گھروالوں کی ہمت کےتئیں ہمیشہ قرض دار رہےگا۔‘‘
