پٹ بل (کتے) نے سڑک پر چلنے والے نوجوان پر حملہ کر دیا، گاؤں والوں نے کوشش کرکے بچائی جان

میرٹھ: کنکرکھیڑا تھانہ کے رہنے والے دیپک شرما کہیں جارہے تھے۔ راستہ میں پٹ بل کتے نے دیپک پر حملہ کرکے اس کا دایاں ہاتھ پکڑ لیا۔ چیخ وپکار سن کر گاؤں والے اور کتے کے مالک موقع پر پہنچ گئے۔ بڑی کوشش سے دیپک کو کتے سے بچایا۔ پٹ بل کے مالک آیوش کے خلاف پولیس اسٹیشن میں شکایت درج کرائی گئی۔ تھانہ انچارج کا کہنا ہے کہ مقدمہ درج کرلیا گیا ہے اور ملزم کی گرفتاری کے لیے چھاپے مارے جارہے ہیں۔ ایس ڈی ایم کا کہنا ہے کہ پٹ بل کتے کو ضبط کرلیا جائے گا۔