بی جے پی لیڈر انل جین گرفتار، سرکاری راشن کی بلیک مارکیٹنگ کا الزام

للت پور: ضلع پولیس نے سرکاری راشن چاول کی بلیک مارکیٹنگ کے معاملے میں ایک تاجر اور بی جے پی لیڈر سمیت تین لوگوں کو گرفتار کیا۔ پولیس سپرنٹنڈنٹ محمد مشتاق نے بتایا کہ بی جے پی لیڈر انل جین کے ساتھ رام کشور اور نتیش جو کہ سرکاری راشن کے فرضی اور دھوکہ دہی والے بل تیار کرکے بلیک مارکیٹنگ میں ملوث ایک منظم گینگ کے لیڈر ہیں، کو گرفتار کیا گیا۔ ساتھ ہی دیگر ملزمان کی گرفتاری کے لیے ایڈیشنل سپرنٹنڈنٹ آف پولیس اور ایریا آفیسر صدر کی سربراہی میں ٹیمیں تشکیل دے دی گئی ہیں۔