اعظم خان کی اہلیہ تزئین فاطمہ نے عدالت میں اپنا بیان ریکارڈ کرایا، 30 جولائی کو ہوگی آئندہ سماعت

رامپور: سماج وادی پارٹی کے قومی جنرل سکریٹری اعظم خان کی بیوی تزئین فاطمہ جمعرات کو سب ڈسٹرکٹ مجسٹریٹ کورٹ پہنچیں۔ جمعرات کو ہمسفر ریزورٹ میں راستے کے حوالے سے ان سے جرح کی گئی۔ انہوں نے عدالت میں اپنا بیان ریکارڈ کرایا۔ معاملے کی اگلی سماعت 30 جولائی کو ہوگی۔ دراصل، اعظم خان کے ہمسفر ریزورٹ میں کچھ سرکاری زمین کو لے کر شکایت کی گئی تھی۔ تحصیل انتظامیہ نے اس شکایت پر ایک کمیٹی بناکر تحقیقات کرائی۔ تحقیقات میں پتہ چلا کہ تین گاٹا نمبر ہیں، جسے اعظم خان نے ان کے ریزورٹ ہمسفر ریزورٹ میں ملالیے ہیں۔