کولکاتا:مغربی بنگال کے گورنر سی وی آنند بوس نے ریاستی حکومت کو لکھا ہے کہ اگر انتظامیہ شاہ جہاں کو گرفتار کرنے میں ناکام رہتی ہے تو 72 گھنٹے کے اندر راج بھون کو رپورٹ پیش کی جائے۔ اس کے علاوہ سندیش کھالی میں شرپسندوں کے خلاف بچے کو پھینکنے کے الزام کے پیش نظر گورنر نے ریاست میں تحقیقات کا حکم دیا ہے۔ انکوائری رپورٹ راج بھون بھیجنے کا حکم دیا گیا ہے۔
گزشتہ بدھ کو ترنمول کانگریس کے آل انڈیا جنرل سکریٹری ابھیشیک بندوپادھیائے نےکو بتایا تھا کہ عدالت شاہجہاں کی گرفتاری کا معاملہ عدالت میں زیر التوا ہے اور عدالت نے پولیس کے ہاتھ پاؤں باندھ دیے۔ اس کے بعد ابھیشیک نے اتوار کو مہیش تلہ میں یہی بات دوہرائی تھی ۔
پیر کو کلکتہ ہائی کورٹ کے چیف جسٹس ٹی ایس شیوگنم نے کہاکہ ’’واضح رہے کہ پولیس کو کوئی ہدایت نہیں دی گئی ہے۔ ای ڈی کے معاملے میں سیٹ کی تشکیل پر روک لگا دی گئی تھی۔ ہم نے پولیس کو گرفتاری پر روک نہیں لگائی ہے۔
ہائی کورٹ کی ہدایت اور شیخ شاہجہاں پر چیف جسٹس کے تبصروں کے بعد حکمراں ترنمول کانگریس نے پیر کو پھر دعویٰ کیا کہ ریاستی پولیس عدالت کی وجہ سے شاہجہاں کو گرفتار نہیں کر سکی تھی۔چوں کہ معاملہ عدالت نے صاف کردیا ہے تو سات دن میں شاہجہاں گرفتار کر لیا جائے گا۔ اس کے بعد ترنمول کانگریس کے ترجمان اور ریاستی سکریٹری کنال گھوش نے ایکس ہینڈل پر پوسٹ کیا، ’’معاملہ عدالت کے قانونی الجھن میں پھنس گیا تھا۔ اپوزیشن اس کے موقع پر سیاست کر رہی تھی۔ گندگی کو صاف کرنے اور پولیس کو کارروائی کرنے کی اجازت دینے کے لیے آج ہائی کورٹ کا شکریہ۔ شاہ جہاں کو سات دن میں گرفتار کر لیا جائے گا۔
یہ بھی پڑھیں:سندیش کھالی میں بی جے پی مہیلا مورچہ کا دورہ، خواتین کا پولیس انتظامیہ کے خلاف مظاہرہ
دوسری جانب سندیش کھالی میں بچوں سے زیادتی کے الزامات 10 فروری کو سامنے آئے۔ مبینہ طور پر ایک بچے کو اس کی ماں کی بانہوں سے چھین کر پھینک دیا گیاتھا۔ سندیش کھالی کے رہنے والے بھوجنگ داس کی بیوی نے میڈیا سے بات کرتے ہوئے کہاکہ ’’پولیس چہرے پر کالا کپڑا لے کر آئی تھی۔ میرے شوہر باہرکو بلا رہے تھے۔ دروازہ نہ کھولنے پر گالیاں دی گئیں۔انہوں نے بچے کو میری گود سے پھینک دیا۔ میرے بال کھینچتا ہے۔ یہاں تک کہ مرد پولیس نے کپڑے کھینچے ۔اس معاملے میں راج بھون نے رپورٹ طلب کی ہے۔
یواین آئی
