مالدہ: مغربی بنگال کی حکمراں جماعت ترنمول کانگریس کی سربراہ اور وزیر اعلیٰ ممتا بنرجی ان دنوں شمالی بنگال کے دورے پر ہیں۔ ممتابنرجی نے مالدہ اور مرشدآباد میں کئی روڈ شو کئے۔ مالدہ کی سڑک پر چل رہی تھیں اور ان کے آس پاس عوا م کی بھیڑ تھی۔ اچانک وزیر اعلیٰ ممتا بنرجی کے قافلے میں وہیل چیئر پر بیٹھا ایک بوڑھا شخص پھنس گیا۔ نظر پڑتے ہی ممتا بنرجی نے اس معمر شخص کو پرائیوٹ اسپتال میں داخل کرانے کی ہدایت دی۔
بیرا پرساد نام کا یہ شخص بدھ کی صبح مالدہ آیا۔ انہیں وزیر اعلی کی ہدایت پر نجی نرسنگ ہوم میں داخل کرایا گیا تھا۔ اسپتال کے ذرائع کے مطابق چوراشی بیر علاج کے لیے مالدہ آیا تھا۔ اسے دل کی بیماری اور سانس کی پریشانی ہے۔ اسے سی سی یو میں داخل کرایا گیا ہے۔
یہ بھی پڑھیں: راہل گاندھی کے قافلے پر حملہ بنگال میں نہیں بہار میں ہوا، ممتابنرجی
بزرگ نے بتایا کہ وزیر اعلی ممتا بنرجی کے روڈ شو کی وجہ سے انہیں انتظار کرنا پڑا۔ ممتا بنرجی کی نظر ان پڑی تو انہوں نے روڈ شو روک دیا اور ان کے قریب آکر خبر و خیریت دریافت کی۔ اس کے فورا بعد ضلع انتظامیہ، پولیس سپرنٹنڈنٹ اور دیگر انتظامی عہدیداروں کو اس شخص کو اسپتال میں داخل کرانے کی ہدایت دی۔ بزرگ کے خاندان نے اس کے لیے وزیر اعلی ممتا بنرجی کا شکریہ ادا کیا۔
