مظفر نگر میں تحریک فلاح انسانیت کی جانب سے ووٹرز بیداری مہم - Lok sabha election 2024

Voters Awareness Campaign ضلع مظفرنگر میں سماجی ادارہ تحریک فلاح انسانیت کی جانب سے عام لوگوں میں ووٹرز بیداری مہم کا انعقاد کیا گیا۔ ادارے کا کہنا ہے کہ لوک سبھا انتخابات کے مدنظر لوگوں میں پولنگ سے متعلق بیداری مہم چلانے کا فیصلہ کیا ہے۔

مظفر نگر:ریاست اتر پردیش کے ضلع مظفرنگر کی جامع مسجد حوضوالی لوہیا بازار میں واقع شاہ اسلامک لاٸبریری کے ہال میں ووٹرز بیداری مہم کا آغاز کیا گیا۔ اس موقع پر مہم کے محرک و فعال ملی شخصیت قاری محمد خالد بشیر قاسمی نے کہاکہ عام انتخابات ملک کے جمہوری نظام کا سب سے اہم حصہ ہیں جس کے زریعہ عوام اپنے حق راۓ دہی کا استعمال کرتے ہوئے آئندہ کے لیے ملک کے حکمراں کا انتخاب کرتے ہیں۔

انہوں نے کہاکہ حق رائے دہی یعنی وملک کے دستور میں دئیے گئے حقوق میں سے ایک اہم حق ہے۔ملک کے ہر اہل شہری کو اس کا استعمال کرنا چاہئے ۔ ووٹر بیداری مہم پروگرام کی نظامت کر رہے معروف وکیل محبوب عالم انصاری ایڈوکیٹ نے کہا کہ کثرت رائے دہی جمہوریت کے استحکام کا ذریعہ ہے۔ ملک کے ہر ووٹر کو ووٹ ضرور ڈالنا چاہئے۔

ان کا کہنا ہے کہ امید وار کا آپ کی پسند یا آپ کے معیار کا ہونا یا نہ ہونا الگ مسٸلہ ہے لیکن ووٹ کرنا آپ کے جمہوری نظام میں یقین و اعتماد کو اجاگر کرتا ہے۔ووٹر بیداری مہم کا مقصد حق رائے دہی کے استعمال کے حوالے سے عوام کو بیدار کرناہے۔ان کی عام لوگ جتنے بیدار ہوں گے نظام جمہوریت اتنی مضبوط ہوگی۔