یوپی مدرسہ بورڈ کے نتائج کا اعلان، ہمیشہ کی طرح اس بار بھی لڑکیوں نے بازی ماری - UP Madarsa Board Results

UP Madarsa Board Results: یوپی مدرسہ بورڈ کے نتائج کا اعلان کر دیا گیا ہے، لڑکیوں نے لڑکوں پر بازی مار لی ہے۔ لیکن کہا جارہا ہے کہ نتائج اتنی تاخیر سے آئے کہ اب طلبا یونیورسٹیز میں داخلہ نہیں لے سکیں گے۔

لکھنؤ: اترپردیش مدرسہ بورڈ کے امتحان میں شرکت کرنے والے طلباء کا انتظار ختم ہو گیا ہے۔ یوپی مدرسہ تعلیمی بورڈ نے نتائج کا اعلان کردیا ہے۔ جس میں منشی/مولوی (ثانوی فارسی اور عربی)، عالم (سینئر سیکنڈری فارسی اور عربی)، کامل اور فاضل کا امتحان سال 2024، یوپی مدرسہ ایجوکیشن بورڈ، لکھنؤ کے ذریعہ 509 امتحانی مراکز پر شفاف اور منظم طریقہ سے امتحان ماہ فروری میں منعقد ہوا تھا۔ امتحانی مراکز کی ویب کاسٹنگ بھی لکھنؤ ہیڈ کوارٹر پر کی گئی۔ امتحان سال 2024 کے لیے 141115 طلبہ کا اندراج کیا گیا تھا۔ امتحان میں 114723 امیدواروں نے شرکت کی۔ جن میں سے 101602 امیدوار کامیاب ہوئے۔ پاس ہونے والے امیدواروں میں 49254 (86.7 فیصد) لڑکے اور 52348 (90.3 فیصد) لڑکیاں ہیں۔ اس طرح سال 2024 کے امتحان میں کل 88.5 فیصد امیدوار کامیاب ہوئے۔

یوپی مدرسہ بورڈ کے نتائج کا اعلان، ہمیشہ کی طرح اس بار بھی لڑکیوں نے بازی ماری (ETV Bharat Urdu)

اس طرح اسد خان وارثی جھانسی مولوی سیکنڈری میں نمایاں کامیابی حاصل کی ہے۔ جب کہ درجہ عالم میں ریحان رضا قنوج، محمد آر این صدیقی نے کامل درجہ میں نمایاں کامیابی حاصل کی ہے۔ گل فشاں سیتا پور نے فاضل درجہ میں نمایاں کامیابی حاصل کی ہے۔ نتیجہ یوپی مدرسہ تعلیمی بورڈ کی آفیشل ویب سائٹ https://madarsaboard.upsdc.gov.in‏ پر اپ لوڈ کر دیا گیا ہے۔ مدرسہ بورڈ کے چیئرمین ڈاکٹر افتخار احمد جاوید نے پاس ہونے والے طلباء کو مبارکباد دی ہے۔