لکھنؤ: اتر پردیش پولیس کانسٹبل جس کی پوسٹنگ بخشی کا تالاب پولیس اسٹیشن میں تھی، لائن حاضر کر دیا گیا۔ اس کے لائن حاضر کرنے کی وجہ مختار انصاری کی حمایت میں واٹس ایپ اسٹیٹس لگانا بتایا جا رہا ہے۔ مختار انصاری کا چار روز قبل دل کا دورہ پڑنے سے انتقال ہو گیا تھا۔
اتوار کے روز انکا آن لائن اسٹیٹس جو کی مختار انصاری کی حمایت میں تھا چاروں طرف سرکولیٹ کردیا گیا جس کے بعد یہ کاروائی عمل میں لائی گئی۔
پولیس کے ڈپٹی کمشنر (شمال)، ابھیجیت شنکر نے کہا: "جیسا کہ ماڈل ضابطہ اخلاق نافذ ہے، اور کانسٹیبل فیاض نے اس کی خلاف ورزی کی ہے اس لئے محکمہ پولیس نے اس کی معطلی کی منظوری کے لیے الیکشن کمیشن سے خط و کتابت شروع کردی ہے۔"
شنکر نے مزید کہا، "کانسٹیبل نے پولیس سروس میں رہتے ہوئے قانون کی خلاف ورزی کی ہے اور اس نے نظم و ضبط کے معیارات کے برعکس کام کا مظاہرہ کیا ہے اس لئے ہم الیکشن کمیشن سے رجوع کئے ہوئے ہیں اور ایک بار جب ہمیں الیکشن کمیشن کی جانب سے کلیئرنس مل جائے گی، ہم اسے معطل کر دیں گے اور مناسب قانونی کارروائی کریں گے،"
انہوں نے مزید کہا، "بخشی کا تالاب پولیس اسٹیشن کے انسپکٹر نے ہمیں واٹس ایپ سٹیٹس کے بارے میں آگاہ کیا جس کے بعد ہم نے تحقیقات کا آغاز کیا۔"
یہ بھی پڑھیں:
