مہیشادل: ووٹنگ شروع ہونے سے پہلے مشرقی مدنی پور میں ایک بار پھر قتل کی واردات رونما ہونے سے علاقے میں سنسنی پھیل گئی ۔ جمعہ کی رات مہیشادل میں نامعلوم شرپسندوں نے ترنمول لیڈر کا قتل کر دیا۔ مقتول کی شناخت شیخ میبل (42) کے طور پر ہوئی ہے۔وہ مہیشدل کے بٹ کنڈو کا رہائشی تھے۔
متوفی ترنمول لیڈر و بٹ کنڈو گرام پنچایت کا سابق رکن ہے۔ الزام لگایا گیا ہے کہ ترنمول کانگریس کے رہنما گزشتہ شب پارٹی آفیس سے گھر واپس لوٹ رہے تھے اسی وقت ان کا گلا گھونٹ کر قتل کر دیا گیا۔ الیکشن کمیشن پہلے ہی اس واقعے کی رپورٹ طلب کر چکا ہے۔پورے معاملے کی تفتیش کی جا رہی ہے۔اس معاملے میں اب تک کسی کی گرفتاری عمل میں نہیں آئی ہے۔
ترنمول کانگریس کے رہنما کو شدید زخمی حالت میں مہیشدل کے باسولیہ رورل ہسپتال لے جایا گیا۔ لیکن حالت بگڑنے پر انہیں وہاں سے تملوک ہسپتال منتقل کر دیا گیا۔ بتایا جاتا ہے کہ ان کی وہیں موت ہوگئی۔ واقعے سے علاقے میں ایک بار پھر کشیدہ صورتحال پیدا ہوگئی ہے۔ تاہم بی جے پی نے ترنمول کی طرف سے لگائے گئے الزامات کی تردید کی ہے۔
یہ بھی پڑھیں:لوک سبھا انتخابات: 58 نشستوں پر صبح 11 بجے تک 25 اعشاریہ 76 فیصد ووٹنگ‘ لائیو اپ ڈیٹس - LOK SABHA ELECTION 2024
بی جے پی نے دعویٰ کیا کہ رہنما کی موت ترنمول کانگریس کے اندرونی انتشار کے نتیجے میں ہوئی ہے۔ حالانکہ ریاست میں پانچویں مرحلے تک پولنگ بظاہر پرامن رہی، لیکن چھٹے مرحلے سے ہی جھڑپیں، آتش زنی اور قتل کی واردات جیسی وارداتیں ہو رہی ہیں۔دو دن پہلے ترنمول پر ضلع کے سوناچورا میں بی جے پی لیڈر سنجے آری اور ان کی ماں رتھی بالا آدی کی پٹائی کا الزام لگایا گیا تھا۔
