کولکاتا:مغربی بنگال کی حکمراں جماعت ترنمول کانگریس نے الزام عائد کیا ہے کہ کمیشن کی پابندی کے باوجودگورنر کے آج اور کل پولنگ والے علاقوں کا دورہ کررہے ہیں، اس کے علاوہ گورنر انتخابی عمل میں بار بار مداخلت بھی کررہے ہیں۔
کل ریاست کے کوچ بہار، علی پور دوار اور جلپائی گوڑی لوک سبھا حلقوں میں پہلے مرحلے کی پولنگ ہے۔ گورنر نے پہلے ہی کہا تھا کہ وہ پولنگ کے دن ان مراکز کی صورتحال خود دیکھنے کیلئے موجود رہیں ۔ اسی طرح گورنر کو آج علی پور دوار پہنچنے والے ہیں ۔اگرچہ گورنر کے اس دورے پر کمیشن کو بھی اعتراضات ہیں۔ بتایا جاتا ہے کہ کمیشن کی طرف سے کل راج بھون کو ایک پیغام بھیجا گیا تھا جس میں گورنر سے شمالی بنگال کے ان تین مراکز میں نہیں جانے کی درخواست کی گئی تھی۔ تاہم اس کے بعد بھی گورنر اپنے فیصلے پر ڈٹے ہوئے ہیں۔
تاہم کمیشن ذرائع کے مطابق کمیشن کی جانب سے گورنر کی نقل و حرکت پر نظر رکھی جارہی ہے۔ یہاں تک کہ اگر گورنر آج علی پور دوار جانے کی کوشش کرتے ہیں تو کمیشن انہیں باگڈوگرا ہوائی اڈے پر یا علی پور دوار میں داخل ہونے سے پہلے روک سکتا ہے۔ بصورت دیگر، اگر گورنر کو علی پور دوار میں داخل ہونے کی اجازت دی جاتی ہے تو بھی، کمیشن کے مطابق، انہیں کہیں بھی جانے کی اجازت نہیں ہوگی۔
یہ بھی پڑھیں:بی جے پی کانگریس اور سی پی ایم بنگال میں سب ایک ہیں :ممتا بنرجی - Lok Sabha Election 2024
ترنمول کانگریس کی جانب سے کمیشن کو بھیجے گئے خط میں براہ راست شکایت کی گئی ہے،مہم بند ہونے کے بعد سیاسی طور پر بااثر افراد جو متعلقہ مراکز کے ووٹر نہیں ہیں، پولنگ مراکز میں نہیں رہ سکتے۔ گورنر سی وی آنند بوس نے ماضی میں شمالی بنگال میں بی جے پی لیڈروں سے ملاقاتیں کرچکے ہیں۔ اگر وہ پولنگ سے پہلے اور پولنگ کے دن علی پور دوار میں موجود ہوتے ہیں تو آزادانہ انتخابات متاثر ہو سکتے ہیں۔ نتیجے کے طور پر، ان کے دورے کو ووٹنگ کے عمل میں مداخلت سمجھا جانا چاہئے۔
