گلبرگہ: ماہ محرم الحرام 2024 کے موقع پر گلبرگہ شہر کی مختلف مساجد میں اور دیگر مسلم محلوں اور سرکلوں میں فاتحہ خوانی کا اہتمام کرتے ہوئے مجالس کا اہتمام کیا جارہا ہے۔ اور ساتھ ہی لنگر عام شربت تقسیم کیا جا رہا ہے۔ اس موقع پر محمد خواجہ گیسو دراز ریٹائرڈ ایجوکیشن ڈیپارٹمنٹ نے کہا کہ ہر سال گلبرگہ شہر میں پہلی محرم سے ہی مساجد میں مجالس ہوتی رہتی ہیں۔ ماہ محرم کے اخیر تاریخ تک بعد نماز مغرب نواسۂ رسولﷺ سید الشہداء حضرت امام حسینؓ کے نام سے تقریبات کا اہتمام کیا جاتا ہے۔
یہ بھی پڑھیں:
محمد خواجہ گیسو دراز ریٹائرڈ ایجوکیشن ڈیپارٹمنٹ نے مزید کہا کہ ان مجالس میں مقامی علمائے کرام شرکت کے شہد کربلا پر روشنی ڈالتے ہیں۔ اور خاص کر یوم عاشور کے موقع پر گلبرگہ کی مساجد اور مسلم محلوں اور سرکلوں میں عوام کی جانب سے لنگر کا اہتمام ، سحر کا اہتمام بھی کیا جاتا رہا ہے۔ اور شہر کے مختلف مقامات پر فاتح خوانی، و لنگر کا اہتمام اور مساجد میں نفل نماز کا اہتمام کرتے ہوئے خصوصی اجتماعی دُعا کا اہتمام بھی کیا جاتا ہے۔ شہر کی مختلف سماجی، ملی اور سوشل تنظیموں کے ذریعہ سے اپنے اپنے محلوں میں بڑے جوش وخروش کے ساتھ اپنے علاقے میں مجالس اور دیگر تقریبات کا اہتمام کرتے ہیں۔
