حیدرآباد:ریاست تلنگانہ کے وزیراعلی رنونت ریڈی نے آئی سی سی ٹی20 ورلڈ کپ فاتح ٹیم انڈیا کے فاسٹ بالر محمد سراج کے حیدرآباد پہنچنے پر وزیراعلیٰ رنونت ریڈی نے انہیں خصوصہ اعزاز سے نوازا۔
وزیراعلیٰ نے فاسٹ بالر محمد سراج کو سرکاری ملازمت اور مکان کے لئے زمین فراہم کرنے کا اعلان کیا ہے۔ منگل کو محمد سراج نے وزیراعلیٰ ریونت ریڈی سے جوبلی ہلز میں واقع ان کی قیام گاہ میں ملاقات کی۔
اس ملاقات کے دوران وزیراعلیٰ نے محمد سراج کو ان کی شاندار کارکردگی اور ٹی ٹونٹی ورلڈ کپ میں اعلی کامیابی پر مبارکباد پیش کی ۔محمد سراج کی شال پوشی کرتی ہوئے سی ایم ریونت ریڈی نے تہنیت بھی پیش کی اور کہا کہ حیدرآباد کرکٹر محمد سراج بین الاقوامی کرکٹ میں اپنی بے انتہا صلاحیتوں کا بہترین مظاہرہ کررہے ہیں۔اس کی وجہ سے آج حیدرآباد کا نام روشن ہورہا ہے۔
یہ بھی پڑھیں:محمد سراج نے وزیراعلیٰ ریونتھ ریڈی سے ملاقات کرکے ٹیم انڈیا کی جرسی پیش کی
وزیراعلیٰ نے عہدیداروں کو ہدایت جاری کی کہ وہ محمدسراج کو حکومت کی جانب سے سرکاری ملازمت کے ساتھ ساتھ مکان کی اراضی کا اختصاص کریں۔انہوں نے عہدیداروں کو مشورہ دیا کہ وہ حیدرآباد یا شہر کے اطراف کوئی اچھے مقام پر مکان کی اراضی کے لئے فوری نشاندہی کریں۔ اسی طرح سرکاری ملازمت فراہم کرنے کے لئے فوری اقدامات کی ہدایت دی۔
