کولکاتا:ملک کی دوسری رہیاستوں کی طرح مغربی بنگال میں بھی سیاسی سرگرمیان عروج پر پہنچ چکی ہیں۔گزشتہ روز حکمراں جماعت ترنمول کانگریس کی جانب سے آئندہ لوک سبھا انتخابات کے لیے امیدواروں کے نام کا اعلان کیا گیا ۔ترنمول کانگریس کی اس فہرست میں ہندوستانی کرکٹ ٹیم کے آل راونڈر یوسف پٹھان نام بنگال کے لوگوں کو حیرت زدہ کرنے والا تھا۔
امیدواروں کے ناموں کے اعلان کے بعد یوسف پٹھان سیاست کے میدان میں کمر کس کر کود پڑے ہیں۔اسی درمیان سابق کپتان سورو گنگولی نے پٹھان کے سیاست میں آنے پر ردعمل ظاہر کرتے ہوئے کہاکہ سیاست بری چیز نہیں ہے، یہ اچھی ہے، سماج کو بدلنے کا موقع ہے، کیرتی آزاد طویل عرصے سے سیاست کے میدان میں ہیں۔
سوروگنگولی نے کہاکہ یوسف پٹھان مغربی بنگال میں ایک مشہور شخصیت ہیں۔یوسف پٹھان برسوں تک آئی پی ایل کی ٹیم کولکاتا نائٹ رائڈرس کے اہم ترین کھلاڑی رہے ۔اسی وجہ سے بنگال کے لوگوں میں وہ مقبول ہیں۔ اب وہ ادھیر رنجن چودھری کے خلاف الیکشن لڑ رہے ہیں۔ یہ یوسف کا مقابلہ بریٹ لی کی طرح ہے۔
یہ بھی پڑھیں:کرکٹ کے بعد یوسف پٹھان سیاسی پچ پر قسمت آزمانے کے لیے تیار
بی سی سی آئی کے سابق صدر سورو گنگولی کے مطابق ہر آدمی سیاست کے میدان میں قسمت آزماتا ہے ۔یوسف پٹھان بھی اسی مقصد کے ساتھ سیاست کی دنیا میں قدم رکھا ہے۔ان کے نیک خواہشات کر رہا ہوں۔
