بنگلورو: اپنی بریفنگ میں چیف منسٹر سدارامیا نے دعویٰ کیا کہ ریاست کو پچھلے چھ سالوں میں 1.87 لاکھ کروڑ روپے کا نقصان ہوا ہے۔ حکومت کے مطابق یہ نقصانات 15ویں مالیاتی کمیشن کے تحت مرکز کے ذریعہ کرناٹک کو دیئے گئے۔
'چلو دہلی' احتجاج سے پہلے، سدارامیا نے مرکزی وزراء، کرناٹک کے ممبران پارلیمنٹ کو خط لکھ کر حمایت طلب کی۔بتاریخ 7 فروری بدھ کے روز دہلی کے جنتر منتر پر کرناٹک کانگریس حکومت کے مرکز کے خلاف احتجاج سے پہلے، وزیر اعلیٰ سدارامیا نے ریاست کے تمام مرکزی وزراء اور ممبران پارلیمنٹ کو خط لکھ کر ان کی حمایت طلب کی ہے۔
مرکزی وزراء نرملا سیتارامن اور پرہلاد جوشی، اور راجیہ سبھا ایل او پی ملیکارجن کھرگے ان لوگوں میں شامل ہیں جن سے کرناٹک کے ساتھ مرکز کی سنگین ناانصافی کے خلاف احتجاج میں شامل ہونے کی درخواست کی گئی ہے۔
خطوط میں کہا گیا ہے کہ 'چلو دہلی' احتجاج مرکزی حکومت کی طرف سے مسلسل ناانصافی اور کرناٹک کے ساتھ سوتیلی ماں کے سلوک کے خلاف تھا۔ سدارامیا، نائب وزیر اعلیٰ ڈی کے شیوکمار، تمام کانگریس ایم ایل اے اور ایم ایل سی دن بھر کے احتجاج میں شرکت کرنے والے ہیں۔
خط میں لکھا گیاکہ ٹیکس کی منتقلی، خشک سالی سے متعلق امداد جاری نہ کرنے، ریاست میں مختلف پروجیکٹوں کے لیے منظوری اور گرانٹس کی فراہمی میں کوتاہی اور تاخیر وغیرہ سے ریاست میں لوگوں کی زندگیاں بری طرح متاثر ہوئی ہیں۔
کرناٹک کے لوک سبھا میں 28 ممبران پارلیمنٹ ہیں – 25 بی جے پی سے، ایک ایک کانگریس اور جے ڈی (ایس) سے، ایک آزاد – اور راجیہ سبھا میں 12 – چھ بی جے پی کے، پانچ کانگریس اور ایک جے ڈی سے( ایس)۔
یہ بھی پڑھیں:علی گڑھ میں "نابینا طلباء کا کلچرل پروگرام "شامِ موسیقی
بدھ کو ہونے والا احتجاج اس کا حصہ ہے جسے کرناٹک کانگریس سوشل میڈیا پلیٹ فارمز پر ’ساؤتھ ٹیکس موومنٹ‘ کے طور پر بیان کر رہی ہے۔ ہیش ٹیگ کے ساتھ کئی ٹویٹس سدارامیا اور دیگر وزراء نے X، پہلے ٹویٹر، اور دیگر آن لائن پلیٹ فارمز پر شیئر کیے تھے۔
