مرادآباد: ریاست اتر پردیش کے ضلع رام پور کے ٹانڈہ تھانہ کے تحت لال پور کلان گرام پنچایت میں واقع ایک پرائمری اسکول کی خاتون نے ندی میں چھلانگ لگا کر خودکشی کر لی، وہ مراد آباد کے محلہ آزاد نگر کی رہنے والی تھی۔
غازی آباد کی ایک فارمیسی کمپنی میں کام کرنے والے سہیل زیدی نے کہا ہے کہ اساتذہ کے آن لائن حاضری کے نظام کی وجہ سے ان کی اہلیہ ذہنی دباؤ کا شکار تھیں۔ اگرچہ سہیل نے ایسی کوئی تحریری شکایت نہیں درج کرائی ہے، لیکن یہ واقعہ بدھ کی صبح نانگلی گاؤں کے قریب پیش آیا، فرحہ بدھ کی صبح سات بجے آٹو سے اسکول کے لیے روانہ ہوئی تھی۔
وہ ٹانڈہ تھانہ علاقے میں کانپور-لالپور روڈ پر واقع نانگلی گاؤں کے پاس بہلہ ندی کے کنارے پر پہنچی تو آس پاس موجود کچھ لوگوں نے بھی اسے بچانے کے لیے پل سے دریا میں چھلانگ لگا دی۔لیکن وہ ناکام رہے۔
یہ بھی پڑھیں:ہلدوانی تشدد: مرادآباد میں بھی سیکورٹی ہائی الرٹ
بڑی مقشت کے بعد خاتون ٹیچر کو باہر نکالا گیا لیکن اس وقت تک اس کی موت ہوچکی تھی ۔ان کے شوہر کا کہنا ہے کہ تمام اساتذہ آن لائن حاضری کے نظام سے پریشان ہیں اور اس حوالے سے ان اہلیہ بھی کافی دباؤ میں تھیں۔ پولیس کا کہنا ہے کہ اس معاملے میں کوئی شکایت موصول نہیں ہوئی ہے۔
