نئی دہلی: پنجاب کے وزیر اعلی بھگونت مان نے تہاڑ جیل میں دہلی کے وزیر اعلی اروند کیجریوال سے ملاقات کی۔ دوپہر 12 بجے کا وقت مقرر تھا۔ ملاقات شیڈول کے مطابق ہوئی ہے۔
دونوں وزرائے اعلیٰ کے درمیان ملاقات کی کیا وجہ ہے اور ان کے درمیان کن مسائل پر بات چیت کی گئی ہے اس کی اطلاع نہیں ملی ہے۔ تاہم گزشتہ دنوں عآپ کے کئی وزراء اور لیڈروں نے الزام لگایا ہے کہ دہلی تہاڑ جیل میں اروند کیجروال بند ہیں۔ اور ان کی اہلیہ کو بھی وزیر اعلی اروند کیجریوال سے ٹھیک سے ملنے نہیں دیا جا رہا ہے۔
تہاڑ جیل کے ڈی آئی جی اور پنجاب پولیس کے حکام کے درمیان جمعہ کو سیکورٹی میٹنگ ہوئی۔ سیکیورٹی میٹنگ 2 گھنٹے سے زائد جاری رہی تھی۔ فیصلہ کیا گیا کہ 15 اپریل کو پنجاب کے وزیر اعلی بھگونت مان تہاڑ جیل میں وزیر اعلی اروند کیجریوال سے ملاقات کریں گے۔ جیل ذرائع کے مطابق صرف بھگونت مان ہی وزیراعلی کیجریوال سے مل سکیں گے۔ یہ ملاقات 11 بجے تہاڑ جیل ہیڈ کوارٹر میں ہوئی تھی۔
تہاڑ جیل کے تعلقات عامہ کے افسر اروند کمار سے موصولہ اطلاع کے مطابق دونوں وزرائے اعلیٰ کی ملاقات کے لیے سیکورٹی ایک بڑا مسئلہ تھا، جس کے لیے میٹنگ کا اہتمام کیا گیا تھا۔ تہاڑ جیل کے ڈی آئی جی (جیل) اور پنجاب پولیس کے ایڈیشنل جنرل ڈائریکٹر کے درمیان ملاقات ہوئی۔ جس میں وزرائے اعلیٰ کی سکیورٹی کے حوالے سے تفصیلی تبادلہ خیال کیا گیا جس کے بعد اجلاس کی تاریخ طے کی گئی۔
