گیا : بہار کے شہر گیا میں واقع مرزا غالب کالج میں قومی نئی تعلیمی پالیسی کے تحت ورکشاپ کا انعقاد ہوا۔ مگدھ یونیورسٹی کے وائس چانسلر پروفیسر ڈاکٹر ششی پرتاپ شاہی نے ورکشاپ کا شمع روشن کرکے افتتاح کیا، پروگرام کی شروعات تلاوت کلام پاک سے ہوئی، اس کے بعد سکریٹری مرزا غالب کالج شبیع عارفین شمسی اور پروفیسر انچارج پروفیسر علی حسین نے وائس چانسلر ششی پرتاپ شاہی اور باہر سے سے اسپیکر کے طور پر تشریف لائے پروفیسر فرقان قمر اور پروفیسر ساجد کمال کو شال اور مومنٹو دے کر انکا استقبال کیا اور پروگرام کا حصہ بننے پر انکا شکریہ ادا کیا۔
پروفسیر ششی پرتاپ شاہی نے اپنے خطاب میں کہا کہ جس موضوع پر آج غالب کالج میں ورک شاپ کا انعقاد ہورہاہے، اسکی ضرورت زیادہ یونیورسٹی کو تھی، لیکن وہ ہمارے ماتحت کام کالج کررہا ہے، اسکے لیے یہاں کے سکریٹری شبیع عارفین شمسی اور کالج منتظمہ مبارک باد کا مستحق ہے۔ اُنہوں نے نئی تعلیمی پالیسی پر اپنے تاثرات میں کہا کہ اسکی اچھی بات یہ ہے کہ اس میں اپنی مادری زبان کو بھی ترجیح دی گئی ہے۔ ہم اپنی مادری زبان کو عام کریں، اس میں اردو بھی شامل ہے اورہم یہ یقین دھانی کراتے ہیں کہ اردو کے فروغ کے لیے پوری شدت کے ساتھ کام ہونگے، وہیں ورک شاپ کے پہلے سیشن میں راجستھان یونیورسیٹی اور ہماچل پردیش سینٹرل یونیورسیٹی کے سابق وائس چانسلر اور جامعہ ملیہ اسلامیہ نئی دہلی کے پروفیسر فرقان قمر نے اعلیٰ تعلیمی نظام میں کیا دشواریاں اور وسائل ہیں اس موضوع پر اپنی بات رکھی، اپنی گفتگو میں انہوں نے کہا کہ نئی قومی تعلیمی پالیسی جو فریم ورک ہوئی ہے۔
اس میں اگر کچھ خوبیاں ہیں تو کچھ خامیاں بھی ہیں اور خامیوں کو دور کیا جانا ضروری ہے ۔انہوں نے کہا کہ اساتذہ کے متبادل ٹیکنالوجی کبھی نہیں ہو سکتی، کوالٹی آف ایجوکیشن کی افادیت پر زو دیتے ہوئے کہا کہ عصری تعلیم کو کوانٹٹی سے زیادہ کوالٹی پر دھیان دینے کی ضرورت ہے ورکشاپ کے دوسرے سیشن میں علی گڑھ مسلم یونیورسٹی کے شعبہ ایجوکیشن سے تشریف لائے پروفیسر ساجد جمال نے کہا کہ صرف کتابی تعلیم سے عصر حاضر میں طالب علموں کو فائدہ نہیں پہنچنے والا۔ آج کے دور میں نئی نئی تکنیک ایجاد ہو رہی ہے۔ اس کی بھی نالج ہونا بہت ضروری ہے۔ اخر میں شعبہ ریاضی کے استاد ڈاکٹر لاڈلے خان نے اظہار تشکر کے فرائض انجام دیے۔ اس پروگرام کی نظامت شبہ انگریزی کی استاد ڈاکٹر سروت شمسی نے بحسن وخوبی انجام دیا۔
یہ بھی پڑھیں: مرزاغالب کالج کی بحالی میں کرپشن اور اقرباپروری کا الزام - Controversy Spark After Allegations
ورکشاپ میں مر زا غالب کالج کی گورننگ باڈی کے نائب صدر ڈاکٹر حفیظ الرحمن خان، کاؤنسل کے چیئر سمیت گورننگ باڈی کے ممبران کے علاوہ کالج کے تمام اساتذہ اور غیر تدریسی ملازمین کے ساتھ ساتھ بڑی تعداد میں طالب علم موجود رہے۔ وہیں اس موقع پر نائب صدر ڈاکٹر حفیظ الرحمن خان نے کہاکہ اردو کے فروغ کے لیے بھی کام تیزی کے ساتھ ہوگااور مگدھ یونیورسیٹی کی طرف سے بھرپور تعاون مل رہا ہے۔
