اپوزیشن کا شترو گھن سنہا پرپارلیمنٹ میں آسنسول حلقے کے حوالے سے آواز نا اٹھانے کا الزام
آسنسول:مغربی بنگال کے بردوان ضلع کے آسنسول پارلیمانی حلقہ سے ترنمول کانگریس کے رکن پارلیمان شترو گھن سنہا پر اپوزیشن جماعتوں نے پارلیمنٹ میں اپنے حلقے سے متعلق سوال نا اٹھانے کا الزام لگایا ہے۔
لوک سبھا انتخابات سے عین قبل اپوزیشن نے پارلیمنٹ میں ایم پی کی کارکردگی کو لے کر شور مچانا شروع کردیا ہے۔ سوال یہ ہے کہ اگر شتروگھن سنہا کو دوبارہ رکن پارلیمنٹ کے طور پر پارلیمنٹ میں بھیجا جاتا ہے تو آسنسول کو کیا فائدہ ہوگا؟
آسنسول میں پریس کانفرنس کو خطاب کرتے ہوئے رکن پارلیمان شترو گھن سنہا نے کہاکہ مجھے پارلیمنٹ میں جب اپنے حلقے کے لئے آواز اٹھانے کا موقع ملا میں نے آواز اٹھائی لیکن وہاں ایسا ماحول ہے کہ اپوزیشن جماعتوں کے ارکان پارلیمان جب بھی بولنا شروع کرتے ہیں بی جے پی ہنگامہ کرنے لگتی ہے۔
