گوہاٹی: آسام کے وزیر اعلیٰ ہیمنت بسواس سرما نے اعلان کیا کہ ریاست میں آدھار کارڈ کے لیے نئے درخواست دہندگان کو لازمی طور پر اپنا این آر سی درخواست رسید نمبر اے این آر فراہم کرنا ہوگا۔ انہوں نے کہا کہ بارپیتا، دھوبری موریگاؤں اور ناگاؤں میں آبادی شے زیادہ آدھار کارڈ ہولڈرز ہیں۔ انہوں نے کہاکہ ’اس سلسلہ میں ایک تفصیلی معیاری آپریٹنگ طریقہ کار تیار کیا جارہا ہے جسے یکم اکتوبر سے نافذ کردیا جائے گا۔
ہیمنت بسوا سرما نے کہا کہ آدھارکارڈ بنوانے کےلئے این آر سی کا درخواست دہندہ ہونا چاہئے۔ انہوں نے کہا کہ ’اگر آپ نے این آر سی کے لیے درخواست نہیں دی ہے تو آپ کو آسام میں آدھار کارڈ نہیں ملے گا۔ ہم ہر چیز کا باریک بینی سے جائزہ لیں گے اور اس عمل کو سخت سے سخت بنائیں گے‘۔ انہوں نے تین مسلم اکثریتی اضلاع بارپیٹا، دھوبری اور موریگاؤں کا حوالہ دیتے ہوئے کہاکہ متوقع آبادی کے اعداد و شمار کے مقابلے میں جاری کیے گئے آدھار کارڈ کا فیصد بالترتیب 103 فیصد، 103 فیصد اور 101 فیصد ہے۔ ان اضلاع میں مشتبہ غیر ملکیوں کے آدھار کارڈ تک رسائی کے امکانات کو رد نہیں کیا جا سکتا۔
یہ بھی پڑھیں: آسام میں ڈیٹنشن سینٹرز میں قید مظلومین کو فوری رہا کیا جائے: جماعت اسلامی ہند - Release of 28 Assamese Muslims
انہوں نے یقین دلایا کہ ہم ریاست میں غیرقانونی امیگریشن کی نشاندہی اور ان سے نمٹنے کے لیے کوششوں کو بھی تیز کریں گے۔
