کولکاتا:سینئر پولیس افسر نے بتایا کہ این ڈی آر ایف نے آج صبح دو تلاشی ہنسوں کی مدد سے تلاشی مہم دوبارہ شروع کی۔ انہوں نے کہا کہ اتوار کی رات تقریباً 11.50 بجے گنجان آباد گارڈن ریچ علاقے میں ایک عمارت گر گئی، جس میں اب تک نو افراد اپنی جانیں گنواں چکے ہیں۔
جاں بحق ہونے والی دو بہنیں شمع بیگم (44) اور حسینہ خاتون (55) دو چچازاد بہنیں تھیں اور پیشے سے راج مستری تھیں۔ زیر تعمیر کثیر منزلہ عمارت جس وقت گری اس وقت سب لوگ دوسری منزل پر سو رہے تھے۔
مقامی لوگوں کا الزام ہے کہ ایک تالاب کو ڈھک کر تقریباً ایک سال سے یہ عمارت بنائی جا رہی تھی۔پروموٹر کو پولیس نے گرفتار کر لیا ہے ۔یہ عمارت غیر قانونی طور پر تعمیر کی گئی تھی اور اسے چار فٹ چوڑی گلی میں بنایا جا رہا تھا۔
اس گلی میں کئی تین چار منزلہ عمارتیں بھی ہیں۔ مقامی لوگوں کا الزام ہے کہ پہاڑ پور روڈ پر ملحقہ دو عمارتیں جھک گئی ہیں اور چھتوں میں چند انچ کی دراڑیں پڑ گئی ہیں۔
یہ بھی پڑھیں:کثیر منزلہ عمارت منہدم ہونے کے بعد کولکاتا پولیس کی کاروائی جاری
کولکتہ میونسپل کارپوریشن ( کے ایم سی ) نے پہلے ہی سال 2023 میں عمارت کے خطرناک ہونے کے بارے میں نوٹس جاری کیا تھا، لیکن کچھ رہائشی اب بھی وہاں رہ رہے تھے۔
یو این آئی
