مظفرنگر:ریاست اتر پردیش کے ضلع مظفر نگر کے ماڈل ٹاؤن کالونی سرکولر روڈ کے رہائشی حاجی نوشاد کے چھوٹے بیٹے محمد عدنان نے 23 ویں پری یو پی اسٹیٹ شوٹنگ چیمپین شپ میں طلائی تمغہ جیت کر ضلع اور ملت کا نام روشن کیا۔
فیملی ممبران اور مقامی باشندوں نے شوٹنگ چیمپین شپ میں تمغہ جیت کر گھر لوٹنے پر محمد عدنان کا بڑے جوش و خروش کے ساتھ استقبال کیا۔ مقامی باشندوں نے محمد عدنان کو اس کامیابی کے لیے ان کو گل پوشی کی اور نشانہ بازی مقابلے میں ملی کامیابی پر مبارکباد بھی دی۔
23وی پریں یو پی اسٹیٹ شوٹنگ مقابلے کا انعقاد دہلی میں کیا گیا تھا اس چیمپین شپ میں محمد عدنان نے اسمال بور شارٹ گن میں حصہ لیا اور طلائی تمغہ پر کامیابی کے ساتھ نشانہ لگایا۔
یہ بھی پڑھیں:پیرس اولمپکس میں منو بھاکر کا جلوہ، ایسا کرنے والی بنیں پہلی بھارتی کھلاڑی
اس موقع پر ای ٹی وی بھارت اردو کی ٹیم کے ساتھ بات چیت کرتے ہوئے چمپئن محمد عدنان نے اپنی اس کامیابی کا کریڈٹ اپنے استاد محمد اسب اور اپنے والدین کو دیا۔ محمد عدنان نے بتایا کہ اس کو بچپن سے ہی نشانے بازی کا شوق ہے اور آگے چل کر اپنے ملک کے لیے کچھ کرنا چاہتے ہیں۔اولمپک کھیلوں میں شوٹنگ چیمپین شپ میں پارٹیسپیٹ کر ملک کے لیے میڈل جیتنا چاہتے ہیں
