میرٹھ: میرٹھ میں آج جمعتہ الوداع کے موقع پر شاہی جامع مسجد کے علاوہ شہر کی دیگر مساجد میں نماز ادا کی گئی۔ نماز کے بعد ملک میں امن سلامتی کی دعائیں بھی کی گئی۔ وہیں اس دوران شاہی جامع مسجد کے باہر پارلیمانی انتخابات کی سرگرمیاں بھی دیکھنے کو ملی۔
غور طلب ہو کہ ریاست اتر پردیش میں پارلیمانی انتخابات کا ماحول اب پروان چڑھتا جا رہا ہے۔ اسی ضمن میں آج سماج وادی پارٹی کے فائر برانڈ لیڈر کہے جانے والے سابق اسمبلی رکن یوگیش ورما نے شاہی جامع مسجد پہنچ کر مسلمانوں کو عیدالفطر کی مبارکباد پیش کی۔
اس موقع پر میڈیا سے گفتگو کرتے ہوئے کہا کہ موجودہ حکومتیں جس طرح سے ملک میں منافرت کا ماحول پیدا کر رہی ہے، کہیں مذہب کے نام پر تو کہیں ذات اور برادری کے نام پر ایک دوسرے کو لڑانے کا کام کر رہی ہیں، ایسے میں انہیں تمام حالات کو پیش نظر رکھتے ہوئے، وہ اور ان کی پارٹی ملک میں محبت اور بھائی چارے کو قائم رکھنے کا کام کر رہے ہیں۔
انہوں نے مزید کہا کہ آج اسی پیغام کو لیکر میں اکیلا ہندو اپنے مسلم بھائیوں کے بیچ آکر ان کو رمضان اور عیدالفطر کی مبارکباد دے رہا ہوں، تاکہ ملک سے نفرتی سیاست کا خاتمہ ہو سکیں۔ انہوں نے کہا کہ میری بیوی کا الیکشن لڑنے کا مقصد یہی ہے کہ مذہب ذات برادری کے درمیان پیدا کیے جا رہی کھائی کو پاٹا جا سکے، جس سے شہر میں ترقیاتی کاموں کو عملی جامہ پہنایا جا سکے۔
