مرادآباد:ریاست اتر پردیش کے مرادآباد کے آزادنگر میں واقع امام باڑہ میں منعقدہ مجلس کے انعقاد سے قبل محمد عباس حیدر اور ان کے ساتھیوں نے مرثیہ کا اہتمام کیا ۔ سرسی سعادت سے تشریف لائے ہوئے مولانا حسن سرسیوی نے مجلس سے خطاب کرتے ہوئے کہا کہ آج محرم کا دوسرا دن ہے۔ محرم کا چاند نظر آنے کے ساتھ ہی غم وغصہ کی لہر دوڑ گئی ہے۔ عزادار امام حسینؓ کی شہادت محسوس ہو رہی ہے۔
مولانا نے مزید کہا کہ حضرت امام حسینؓ کا قافلہ 2 محرم کو کربلا پہنچا۔جس میں بوڑھے، بچے، خواتین اور نوجوان شامل تھے۔ انہوں نے کہا کہ امام حسین کا مقصد یزید سے جنگ نہیں بلکہ دین اسلام کا صحیح پیغام دینا تھا جو آپ کے نانا حضرت محمد صلی اللہ علیہ وسلم نے دیا تھا۔
یہ بھی پڑھیں:مرادآباد کی تاریخی لال مسجد میں محرم الحرام کی فضیلت اور شہدائے کربلا کا ذکر کا اہتمام
مولانا محمد حسن سرسیوی نے مزید کہا کہ یزید اور یزید کے لشکر حق کو ختم کرنا اور ہر قسم کی برائی پھیلانا چاہتے تھے لیکن امام حسین نے فرمایا کہ ان کے نانا کا دین اسلام اور ان کا پیغام ان کی زندگی میں ختم نہیں ہوگا۔ اس مقصد کے لیے امام حسین نے کربلا میں عظیم قربانی دی اور اسلام کو بچایا۔ مجلس کے بعد نعتیہ اور نوحہ خوانی ہوئی۔
