لکھنؤ: اتر پردیش کے لکھنؤ ضلع میں ایک ڈیلیوری ایجنٹ کو مبینہ طور پر دو افراد نے مار ڈالا جب وہ 1.5 لاکھ روپے کا آئی فون ڈیلیور کرنے گیا تھا جسے کیش آن ڈیلیوری (سی او ڈی) کے ذریعے آرڈر کیا گیا تھا۔ اسے قتل کرنے کے بعد اس کی لاش کو اندرا نہر میں پھینک دیا گیا۔ یہ واقعہ گزشتہ ہفتے پیش آیا اور دو دن تک گھر واپس نہ آنے کے بعد اس کے اہل خانہ نے چنہٹ پولیس اسٹیشن میں شکایت درج کرائی۔
#WATCH | Lucknow, Uttar Pradesh | On a Flipkart delivery agent murdered for an iPhone, DCP East Lucknow Shashank Singh says, " on 30th september, bharat kumar aka ram milan, who worked as a flipkart delivery agent, a missing person's report about him was filed by his brother. as… pic.twitter.com/psr459bi9H
— ANI UP/Uttarakhand (@ANINewsUP) October 1, 2024
30 ستمبر کو ایک لاپتہ شخص کی رپورٹ بھرت کمار عرف رام ملن کے بھائی نے درج کروائی، جو فلپ کارٹ کے ڈیلیوری ایجنٹ کے طور پر کام کرتا تھا۔ پولیس نے آکاش نامی شخص کو حراست میں لے لیا ہے، پوچھ گچھ کے دوران آکاش نے بتایا کہ اس نے ایک ساتھی کے ساتھ مل کر اس کی لاش کو نہر میں پھینک دیا تھا اور ایس ڈی آر ایف اور این ڈی آر ایف لاش کو برآمد کرنے کی کوشش کر رہے ہیں۔
رپورٹ کے مطابق ڈیڑھ لاکھ روپے مالیت کا آئی فون دونوں نے کیش آن ڈیلیوری پر آرڈر کیا تھا۔ بھرت فون پہنچانے اور پروڈکٹ کے پیسے لینے گیا تھا جب اسے آکاش اور اس کے ساتھی نے مار ڈالا۔ بھرت کے بھائی کی جانب سے درج کرائی گئی شکایت کی بنیاد پر پولیس نے تحقیقات شروع کی اور کال ریکارڈ کی جانچ کرتے ہوئے آکاش سے رابطہ کرنے میں کامیاب ہو گئی، جس نے پوچھ گچھ کے دوران جرم کا اعتراف کر لیا۔ ریاستی ڈیزاسٹر رسپانس فورس اور نیشنل ڈیزاسٹر ریسپانس فورس کی ٹیموں نے لاش کی تلاش کے لیے نہر میں تلاشی مہم شروع کر دی ہے۔
