بیدر: کرناٹک کا پردیش کانگرس کمیٹی کے کوآرڈینیٹر نثار احمد نے عنقریب آنے والے بجٹ میں وزیراعلیٰ اور اقلیتی امور کے وزیر ضمیر احمد خان اپیل کرتے ہوئے کہا کہ کرناٹک مینارٹی ڈیولپمنٹ کارپوریشن کی جانب سے اقلیتوں کو جو لون دیا گیا تھا، اس کو معاف کریں۔ انہوں نے کہا کہ سابقہ وزیر ڈاکٹر قمرالاسلام جب اقلیتی امور کے وزیر تھے تو انہوں نے ملی مسائل کو دیکھتے ہوئے کرناٹک مائنارٹی ڈیولپمنٹ کارپوریشن کی جانب سے لئے گئے لون کو معاف کیا تھا جس سے ریاست میں ہزاروں لوگوں کو فائدہ پہنچا۔
یہ بھی پڑھیں:سول سوسائٹی گروپ کا 2024 کے انتخابات کے لیے عوامی منشور جاری
اسی طرح ہم ضمیر احمد خان ریاستی اقلیتی وزیر سے یہ گزارش کرتے ہیں کہ پہلی فرصت میں لون معاف کریں۔ انہوں نے کہا کہ کرناٹک مائنارٹی ڈیولپمنٹ کی جانب سے اعلی تعلیم کے لیے بیرون ممالک میں جا کر تعلیم حاصل کرنے والے بچوں کے فیس ادا کرنے کا اہتمام کریں۔ نثار احمد نے آنے والے بجٹ میں کرناٹک کے وزیراعلی و اقلیتی امور کے وزیر ضمیر احمد خان سے اپیل کرتے ہوئے کہا کہ مائنارٹی کمیشن کی جانب سے اقلیتوں کو دیے گئے لون کو معاف کریں۔ اس سے اقلیتی طبقے کے لوگوں کو کافی راحت ملے گی۔ اس سے عام لوگوں کا حکومت پر اعتماد میں مزید اضافہ ہوگا۔
