مرادآباد:رکن پارلیمان ایس ٹی حسن کے مطابق ان کے آفس کے کمپیوٹر سے الیکشن کمیشن کی سائٹ سے ووٹ کی پرچی نکالنے کے معاملے کو لے کر دروغہ نے ان کے اسٹاف کے ساتھ بدتمیزی کی۔ اس دوران دروغہ نے ان کے آفس میں بنا اجازت اندر گھس کر ان کے کمپیوٹر کی جانچ پڑتال کی ۔ان کے آفس کی ویڈیو گرافی بھی کی۔
اس متعلق معلومات دیتے ہوئے رکن پارلیمنٹ ڈاکٹر ایس ٹی حسن نے بتایا کہ ان کے فیملی کے کچھ ممبران کی ووٹ کی پرچیاں نہیں آئی تھیں اس غرض سے الیکشن کمیشن کی سائٹ سے ووٹ کی پرچیاں نکال رہے تھے تبھی ایک سب انسپکٹر ان کے آفس میں گھس کر کمپیوٹر کے ساتھ چھیڑ چھاڑ کرنے لگا۔
جب میرے اسٹاف نے دروغہ کو روکا تو انہوں نے ان کے ساتھ بدتمیزی کی۔میرے آفس کی ویڈیو بنانے لگے۔ ڈاکٹر حسن نے بتایا کہ جب میرے اسٹاف کے لوگوں نے اس سب انسپیکٹر کی ویڈیو بنانا شروع کی تو وہ وہاں سے جانے لگا۔
یہ بھی پڑھیں:مسلم پرسنل لاء بورڈ کے نائب صدر نے بی جے پی امیدوار کی حمایت کا اعلان کیا - پروفیسر علی محمد نقوی
اس معاملے کے بعد ڈاکٹر ایس ٹی حسن نے کہا کہ کیا کسی کی پرچیاں نکال کر دینا یا اپنے گھر کے افراد کی ووٹ کی پرچیاں نکالنا گناہ ہے یہ کس طرح کا ماحول ہے۔ وہ اس سب انسپیکٹر کی شکایت الیکشن کمیشن اف انڈیا الیکشن کمیشن اف اتر پردیش کے علاوہ اتر پردیش کے ڈی جی پی سے کریں گے۔
