اورنگ آباد: ڈاکٹر سید شاہ مشہود الحق نے حال ہی میں منعقدہ مہاراشٹر پبلک سروس کمیشن (ایم پی ایس سی) امتحان میں ریاستی سطح پر ٹاپ رینک حاصل کیا اور اسٹنٹ پروفیسر اورتھوپیڈک کی پوسٹ کیلئے وہ کوالیفائی قرار پائے ہیں۔ واضح رہے کہ چودہ ایم پی ایس سی منتخب امیدواروں کی شارٹ لسٹ حال ہی میں شائع کی گئی۔ جس میں محض ایک نشست اوپن زمرہ سے تھی۔ جس میں ریاست بھر میں ڈاکٹر سید مشہود الحق شاہ نے ٹاپ کیا۔ انہیں انٹرویو میں 70 نشانات حاصل ہوئے ہیں۔
محنت اور لگن کے ساتھ اگر مسابقت امتحانات میں شرکت کی جائے، تو کامیابی خود ہی آپ کے قدم چومتی ہے، اورنگ آباد کے گورنمنٹ میڈیکل کالج اینڈ ہاسپٹل کے اسسٹنٹ پروفیسر ڈاکٹر سید شاہ مشھود الحق نے ثابت کر دکھایا ہے۔ ڈاکٹر مشھود نے مہاراشٹر پبلک سروس کمیشن (ایم پی ایس سی) جانب سے منعقدہ اسسٹنٹ پروفیسر آرتھوپیڈک امتحان میں ریاست بھر میں ٹاپ کیا۔ ڈاکٹر مشہود نے ای ٹی وی بھارت سے خصوصی گفتگو کرتے ہوئے بتایا ہے کہ ریاست بھر کے 60 ارتھوپیڈک ڈاکٹروں نے امتحان میں حصہ لیا تھا۔ جس میں کئی سارے ریزرویشن زمرے بھی شامل تھے، لیکن ڈاکٹر مشہود نے اوپن زمرے میں کامیابی حاصل کرتے ہوئے مہاراشٹر میں اول مقام حاصل کیا ہے۔
ڈاکٹر مشہود کا کہنا ہے کہ انہیں انٹرویو میں اردو زبان کے بھی سوالات پوچھے گئے تھے، جس پر انہوں نے جواب دیا، اور اردو میں تحریر کر کے بھی دکھایا۔ ڈاکٹر مشہود کا کہنا ہے کہ انہوں نے دسویں جماعت میں اردو سیکنڈ مضمون لیا تھا جس کی وجہ ڈاکٹر مشہود کو اردو زبان سے لگاؤ تھا۔ ڈاکٹر مشہود نے اپنی ابتدائی تعلیم اورنگ آباد شہر کے انگریزی اسکول سے مکمل کی، اس کے بعد گیارہویں و بارہویں پونہ کے اعظم کیمپس سے کیا اور ایم بی بی ایس کی تعلیم حاصل کرنے کے لیے وہ لاتور چلے گئے۔
ڈاکٹر کی ڈگری حاصل کرنے کے بعد مشہود نے ممبئی سے ڈی ارتھو کیا اور اُنہوں نے کلکتہ سے ڈی این بی ارتھوپیڈک سرجن کی ڈگری حاصل کر لینے کے بعد ڈاکٹر مشھود نے کانٹریکٹ بیس پر گورنمنٹ میڈیکل کالج اینڈ ہاسپٹل اورنگ آباد میں اسسٹنٹ پروفیسر کی حیثیت سے اپنی خدمات انجام دے رہے ہیں۔ اس سال ڈاکٹر مشہود نے 2024 میں منعقدہ ایم پی ایس سی امتحان میں شرکت کی اور اس امتحان میں سر فہرست رہ کر اپنا اور اپنے والدین اور شہر کا نام روشن کیا ہے، اور اب ڈاکٹر مشہود کو اپنی نئی پوسٹنگ کا انتظار ہے۔
یہ بھی پڑھیں:
- : ایم ایس جونیئر کالج کے انٹرمیڈیٹ ٹاپرس کی تہنیتی تقریب
- : مدرسہ کے بائیس طلباء ایس ایس سی امتحانات میں کامیاب
ڈاکٹر مشہود کا کہنا ہے کہ گھاٹی ہسپتال میں خدمات انجام دیتے وقت انہیں جو تجربات حاصل ہوئے ہیں اس نے ان کی سوچ کو بدل کر رکھ دیا ہے، اور اب وہ ضرورت مند اور غریب مریضوں کی خدمت کرنا چاہتے ہیں۔ ڈاکٹر سید شاہ مشہود الحق کی کامیابی کے بعد ان کے والد نے خوشی کا اظہار کیا ہے۔ ڈاکٹر مشہود کے والد اورنگ آباد شہر کی معروف شخصیت ہے، وہ بجلی سپلائی کمپنی کے ریٹائرڈ ڈپٹی ایگزیکیوٹی انجینیئر ہیں، اور انہوں نے اپنے سبھی بچوں کو اعلی تعلیم سے نوازا ہے، اور سبھی والدین اپنے بچوں کو اعلی تعلیم کے لیے ہر ممکن کوشش کرتے ہیں جن میں سے ایک ڈاکٹر مشہود کے والدین ہیں۔
