کولکاتا: کشمیر کے دورے کے دوران ساس اور بہو کے درمیان لڑائی اس قدر تلخ ہو گئی کہ مغربی بنگال کے جنوبی 24 پرگنہ کے کیننگ کے رہنے والے میاں بیوی معمر خاتون کو کشمیر میں ہی چھوڑ کر گھر لوٹ آئے۔ بغیر کسی نقدی اور موبائل کے ممعر خاتون کشمیر کی گلیوں میں بھٹکتی رہیں۔۔ بالآخر پولیس نے کشمیر کا سفر کیا اور بدھ کو معمر خاتون کو گھر واپس لایا۔پولیس نے اس معاملے میں بیٹا اور بہو کو گرفتار کرلیا۔
جوڑے کو گرفتار کر لیا گیا۔
ذرائع کے مطابق تقریباً 12 دن قبلمغربی بنگال کے جنوبی 24 پرگنہ کے کیننگ کے رہنے والے میاں بیوی صاحب شیخ (27)، ان کی بیوی اور والدہ اناری (50) کشمیر کی سیر کے لیے روانہ ہوئے تھے۔تین دن پہلے جب صاحب اور اس کی بیوی اپنی والدہ کے بغیر کشمیر سے واپس آئے تو پڑوسیوں کو تشویش ہوئی۔پڑوسیوں نے ان کی والدہ کے بارے میں پوچھ گچھ کی۔
یہ بھی پڑھیں:آرٹیکل 370 کی منسوخی کے پانچ برس بعد بھی کشمیر میں خواتین کمیشن کا قیام کیوں نہیں ہوسکا؟
مقامی باشندوں نے کیننگ تھانے میں اس معمر خاتون کی کشمیدگی کو لے کر شکایت درج کرائی۔کیننگ تھانے کی پولیس نے پورے معاملے کی تفتیش شروع کردی۔بیٹا اور بہو سے پوچھ گچھ کے دوران سارا معاملہ سامنے آیا۔کیننگ کے ایس ڈی پی او رام کے منڈل کی ہدایت پر کیننگ تھانے کی پولیس کشمیر گئی اور معمر خاتون کو اپنے ساتھ لے کر آئی۔
