مظفرنگر:ریاست اتر پردیش کے ضلع مظفر نگر کلیکٹرک میں کانگرس کےکارکنان نے ضلع پارٹی صدر سبودھ شرما کی سربراہی میں بی جے پی لیڈر انوراگ ٹھاکر کے خلاف احتجاج کیا۔کانگریسی رہنماوںکا کہنا ہے کہ راہل گاندھی کے حوالے سے متنازع بیان دینے والے بی جے پی کے رکن پارلیمان انوراگ ٹھاکر کے خلاف جلد سے جلد کارروائی کی جائے۔
سبودھ شرما ضلع کانگرس صدر نے کہا کہ بھارتیہ جنتا پارٹی پوری طرح سے ملک میں مذہبی انماد پیدا کرنے کی کوشش کر رہی ہے۔ ذات شماری کے نام پر انوراگ ٹھاکر سمیت پوری بی جے پی بوکھلائے ہوئی ہے ۔اس سے صاف ظاہر ہے کہ بی جے پی کی تناشاہی حکومت سماجی انصاف کے خلاف ہے۔ لوک سبھا جسے سیاست کا مندر کہا جاتا ہے۔ اس مندرمیں بھارتیہ جنتا پارٹی کے رہنما انوراگ ٹھاکر نے ہمارے قائد راہل گاندھی کے خلاف نازیبا الفاظ استعمال کئے۔انوراگ ٹھاکر کا بیان آئین کے خلاف ہے۔لوک سبھا کے وقار کے بھی خلاف ہے۔
یہ بھی پڑھیں:بھارتیہ کسان یونین امباوتا کی بجلی محکمہ کے خلاف شکایت
انہوں نے کہاکہ گزارش ہے کہ ایسے نازیبا ریمارکس کرنے والے لیڈروں کے خلاف سخت کارروائی کی جائے تاکہ مستقبل میں پارلیمنٹ میں کسی ممبر پارلیمنٹ کے خلاف ایسے نازیبا ریمارکس نہ کیے جائیں۔ مظفر نگر ضلع کی کانگریس پارٹی مذکورہ لیڈر کے اس غیر مہذب طرز عمل کی سختی سے مخالفت کرتی ہے۔
