حیدرآباد: آصف آباد ضلع کے جینور منڈل میں بدھ 4 ستمبر کو فرقہ وارانہ کشیدگی اس وقت پھوٹ پڑی جب 2000 لوگوں پر مشتمل ہجوم نے مسلم کمیونٹی سے تعلق رکھنے والی املاک پر حملہ کرنا شروع کردیا۔ ضلع میں یہ فرقہ وارانہ تصادم ایک آٹو رکشہ ڈرائیور کی جانب سے ایک قبائلی خاتون کے ساتھ جنسی زیادتی کے معاملے کی وجہ سے پیش آیا۔
سوشل میڈیا پر وائرل چند ویڈیوز میں ایک ہجوم کو بازار میں دکانوں کو آزادانہ طور پر نشانہ بناتے ہوئے دیکھا جا سکتا ہے اور ضلع آصف آباد کے جینور میں کہیں بھی قانون نافذ کرنے والے مقامی اہلکار نظر نہیں آتے۔ ایک آٹو رکشہ مسلم ڈرائیور نے گزشتہ ہفتے ایک قبائلی خاتون کے ساتھ مبینہ طور پر جنسی زیادتی کی تھی۔
اس واقعے کے خلاف بدھ کو بند کا اعلان کیا گیا تھا۔ اسی دوران 2000 کا ایک ہجوم گاؤں میں داخل ہوا اور آصف آباد ضلع کے جینور میں مسلم کمیونٹی کی املاک پر حملہ کرنا شروع کر دیا۔ مقامی لوگوں کو مبینہ طور پر کچھ مقامی دائیں بازو کی تنظیم کے رہنماؤں کی حمایت حاصل تھی جس کی وجہ سے یہ تشدد ہوا۔ اطلاع ملتے ہی آصف آباد پولیس موقع پر پہنچ گئی تاہم ہجوم کی وجہ سے حملوں کو روکنے کے لیے کچھ نہ کر سکی۔ مقامی پولیس کی مدد کے لیے پڑوسی منڈلوں اور ہیڈ کوارٹر سے اضافی فورسز کو موقع پر پہنچایا گیا۔
آل انڈیا مجلس اتحاد المسلمین کے صدر ورکن پارلیمنٹ اسد الدین اویسی نے بدھ 4 ستمبر کو تلنگانہ کے آصف آباد ضلع میں تشدد کی مذمت کی۔ اسد الدین اویسی نے تلنگانہ کے ڈائرکٹر جنرل آف پولیس (ڈی جی پی) ڈاکٹر جتیندر سے حالیہ تشدد کے بارے میں بات کی۔
I have spoken to @TelanganaDGP regarding incidents of communal disturbances in Jainoor ,Asifabad District ,the @TelanganaDGP assured me that it is being monitored &additional forces are being send and action will be taken against people who take law in their hands
— Asaduddin Owaisi (@asadowaisi) September 4, 2024
حیدرآباد سے رکن پارلیمنٹ اسد الدین اویسی نے سوشل میڈیا پلیٹ فارم ایکس پر لکھا کہ "میں نے تلنگانہ کے ڈی جی پی سے جینور، آصف آباد ضلع میں فرقہ وارانہ فسادات کے واقعات کے بارے میں بات کی ہے، ڈی جی پی نے مجھے یقین دلایا کہ اس کی نگرانی کی جارہی ہے اور اضافی فورس بھیجی جارہی ہے اور قانون ہاتھ میں لینے والے لوگوں کے خلاف کارروائی کی جائے گی۔
