سندیش کھالی میں متعدد مقامات پر سی بی آئی کی کارروائی
شمالی 24 پرگنہ: ترنمول کانگریس کے معطل لیڈر شاہجہاں شیخ کے گھر پر چھاپہ کے دوران کے ای ڈی کی ٹیم پر حملے کی جانچ کر رہی سی بی آئی نے جمعہ کو مغربی بنگال کے سندیش کھالی میں متعدد مقامات پر تلاشی لی۔ اس دوران غیر ملکی ساختہ پستول سمیت اسلحہ اور گولہ بارود ضبط کیا گیا ہے۔ سی بی آئی کے مطابق سندیش کھالی میں ای ڈی کی ٹیم پرحملے کیلئے بھیڑ کو اکسایا گیا تھا اور اس معاملے میں شاہجہاں شیخ کا کلیدی رول تھا۔
سی بی آئی کو اپنی جانچ کے دوران سندیش کھالی میں چھپائے گئے ہتھیاروں کے ایک بڑے ذخیرے کی جانکاری ملی۔ جمعہ کی صبح سی بی آئی کی ایک ٹیم نے تلاشی مہم شروع کی جس کے دوران غیر ملکی ساختہ پستول سمیت اسلحہ ضبط کیا گیا۔ کلکتہ ہائی کورٹ کے حکم پر مرکزی ایجنسی نے 5 جنوری کو واقعات سے متعلق تین ایف آئی آر درج کی ہیں۔
