بنگلورو:وزیر اعظم نریندر مودی کا تصور ہے کہ پورے ملک میں لوک سبھا اور ریاستی اسمبلیوں کے انتخابات بیک وقت کرائے جائیں، چند سیاسی جماعتوں جیسے اے آئی اے ڈی ایم کے ، بیجو جنتا دل اور مہاراشٹر وادی گومانتک پارٹی (ایم جے پی) نے اس قسم کے الیکشن کی حمایت کی ہے، جبکہ دیگر سیاسی پارٹیوں نے الیکشن کے اس نظام کی سخت مخالفت کی ہے۔
اس معاملے پر بات کرتے ہوئے سیاسی کارکن و صحافی بی ایم حنیف نے کہا کہ ون نیشن ون الیکشن سراسر غیر جمہوری نظام ہے چونکہ ہر ریاست کے اپنے اپنے مسائل و عوامی مدے مختلف ہوتے ہیں۔اس صورت میں ون نیشن اور ون الیکشن کی پالیسی کسی بھی قیمت پر قاقل قبول نہیں ہے۔
بی ایم حنیف نے کہا کہ ون نیشن ون الیکشن کے ذریعے بی جے پی پارلمنٹری فاشسٹ نظام قائم کرنے کی طرف بڑھ رہی ہے۔ون نیشن ون الیکشن پارلیمانی جمہوریت کے لئے اییک بڑا خطرہ ہے۔
یاد رہے کہ سابق صدر ہند اور 'ایک ملک، ایک انتخاب' سے متعلق اعلیٰ سطحی کمیٹی کے چیئرمین رام ناتھ کووند نے حال ہی میں نیشنلسٹ کانگریس پارٹی (اجیت پوار دھڑے) اور راشٹریہ لوک جنتا دل کے ساتھ ایک میٹنگ کی صدارت کی تاکہ ان کی رائے کو سمجھا جا سکے۔ مرکزی حکومت کا بیک وقت انتخابات کرانے کے منصوبے کے خلاف مختلف سیاسی جماعتوں نے کھل مخالفت کی ہے ۔
یہ بھی پڑھیں:وزیر اعلیٰ سدرامیہ نے مرکزی عبوری بجٹ کو مایوس کن قرار دیا
اپوزیشن کی سیاسی جماعتیں بشمول کانگریس، سی پی آئی (ایم)، دراوڑ منیترا کزگم (ڈی ایم کے)، ترنمول کانگریس (ٹی ایم سی)، آل انڈیا مجلس اتحاد المسلمین (اے آئی ایم آئی ایم)، اور عام آدمی پارٹی نے اس خیال کی مخالفت کرتے ہوئے کمیٹی کے سکریٹری نتن چندرا کو خط لکھا تھا۔
