رانچی (جھارکھنڈ): بی جے پی نے تجسس ختم کرتے ہوئے جھارکھنڈ اسمبلی انتخابات کے لیے اپنی دوسری اور آخری فہرست جاری کر دی ہے۔ بی جے پی کی باقی بچی دو لسٹ کو لیکر لوگوں میں کچھ بیچینی تھی کہ آخر وہ اپنے دو امیدواروں کے ناموں کا اعلان کیوں نہیں کر رہی ہے؟ یہ دونوں نشستیں برہیٹ اور ٹنڈی ہیں۔ اس کے ساتھ ہی بی جے پی نے اپنے تمام امیدواروں کے ناموں کا اعلان کر دیا ہے۔
بی جے پی نے آخرکار جھارکھنڈ اسمبلی انتخابات کے لیے اپنی دوسری اور آخری فہرست جاری کر دی ہے۔ اس کے ساتھ ہی بی جے پی نے اپنے تمام 68 امیدواروں کے ناموں کا اعلان کر دیا ہے۔ پیر کو جاری کی گئی فہرست میں جن دو امیدواروں کے نام شامل ہیں ان میں برہیٹ سے گمالیئل ہیمبرم اور ٹُنڈی سے وکاس کمار مہتو شامل ہیں۔
یہ بھی پڑھیں:
آپ کو بتاتے چلیں کہ سنتھال کی برہیٹ سیٹ ریاست کی سب سے اہم اسمبلی سیٹوں میں سے ایک ہے۔ ریاست کے وزیر اعلیٰ ہیمنت سورین یہاں سے الیکشن لڑ رہے ہیں۔ کافی ہنگامہ آرائی اور انتظار کے بعد بالآخر بی جے پی کو ہیمنت سورین کے خلاف مقابلہ کرنے کا ایک چہرہ ملا۔ پارٹی نے گمالیئل ہیمبرم کو برہیٹ سے نامزد کیا ہے۔
آپ کو بتا دیں کہ جھارکھنڈ اسمبلی انتخابات میں بی جے پی کل 68 سیٹوں پر الیکشن لڑ رہی ہے۔ پارٹی نے پہلی فہرست میں 66 ناموں کا اعلان کیا تھا۔
