مظفر نگر: ریاست اترپردیش کے مظفرنگر میں بھارتیہ کسان یونین کی جانب سے رہاست کے تمام اضلاع کے کلیکٹریٹ دفاتر کے سامنے کسانوں کی حمایت میں احتجاج کیا گیا،کسان تنظیم کی جانب سے ٹریکٹر ریلی کا بھی انعقاد کیا گیا۔اس احتجاج نے مغربی یوپی کے اضلاع میں کسانوں کے مسائل کو اٹھا کر کسانوں کی تحریک کی حمایت کی۔
مظفر نگر سے بی کے یو کے صدر چودھری نریش ٹکیت سینکڑوں کسانوں کے درمیان ضلع کلکٹریٹ پہنچے اور ایک بڑے تحریک کی تیاری کا اعلان کیا۔ 26 فروری کو ہریدوار سے غازی پور سرحد تک قومی شاہراہ کو ٹریکٹر ٹرالیوں سے ون وے کرنے کا اعلان کیا۔ چودھری نریش ٹکیت نے کسانوں سے کہا ہے کہ ہم پنجاب کے کسانوں کے ساتھ ہیں، تمام کسان دہلی جانے کی تیاری کریں، متحدہ کسان مورچہ کی طرف سے کسی بھی وقت کال آسکتی ہے۔