نئی دہلی: ہندوستان میں جمہوریت کے جشن یعنی عام انتخابات کی آمد آمد ہے۔ انتخابات جمہوریت کی سنگ بنیاد ہیں۔ عدل ،آزادی ، برابری اور بھائی چارگی ہمارے دستور کے اقدار ہیں اور انتخابات ان اقدار کے تحفظ کا بہترین ذریعہ ہیں۔ ان انتخابات کے نتائج بڑے دور رس ہوتے ہیں۔ اس لئے یہ ضروری ہے کہ تمام شہری اورخاص کرا قلیت برادری کے تمام مرد اور عورت اس جشن میںپرزور طریقے سے حصہ لیں اور اسے اپنی آواز دیں۔
ووٹ کیوں :
بااختیار بنانا: آ پ کا ووٹ آپ کی آواز ہے، آپکا ووٹ ملک کو صحیح سمت دے سکتا ہے۔
نمائندگیـ: آپ کا ووٹ آپ کے معاشرے کے مفادات اور خدشات کو حکومت کے ذریعہ آپ کے لئے بنائی جارہی تمام پالیسیوں میں جگہ دلواتاہے۔
سیکولرزم: آپ کا ووٹ ملک میں امن وامان کو قائم رکھنے کا سب سے بہترین ذریعہ ہے۔
کیا کرنا ہے: رجسٹرکریں: یقینی بنائیں کہ آپ کا نام ووٹر لسٹ میںرجسٹر ڈ ہو، اگر نہیں تو آن لائن رجسٹر یشن کرالیں۔
بیداری: تمام لوگوں کو ووٹ کی اہمیت بتائیں اور اس کا استعمال کرنے کے لئے بیدار کریں۔
تیار رہیں : ووٹ دینے کیلئے آپ کا نام ووٹر لسٹ میں رجسٹرڈ ہونا ضروری ہے۔ شناخت کے لیے ووٹر آئی ڈی یا فہرست میںدی گئی 12قسم کی آئی ڈی میں کوئی ایک آئی ڈی کارڈ لے جاسکتے ہیں ،مثلا آدھا ر کارڈ ،ڈرائیونگ لائسنس ،فوٹو کے ساتھ بینک پاس بک وغیرہ۔
وقت کی پابندی کریں: آخری لمحات کی بھیڑ سے بچنے کے لیے پولنگ بوتھ پر وقت پر پہنچیں۔
ووٹ ڈالنے کی مہم چلائیں: ووٹ خود بھی دیں اور دوسروں سے بھی دلوائیں ،اپنے محلے کے لوگوں کا بوتھ تک پہنچنے کا نظم کریں۔
نوٹ:
عدل ، آزادی،برابری اور بھائی چارگی کے لیے متحد رہیں اور ووٹ کو تقسیم نہ ہونے دیں یہی ہماری سب سے بڑی قوت ہے۔آ پ کا ووٹ صرف اس الیکشن میںنہیں بلکہ اگلے الیکشن کی پلانگ میںبھی بہت کام آتا ہے۔ اس لیے صد فی صد ووٹنگ کو یقینی بنائیں۔ہر ایک خاتون کو ووٹ کی اہمیت بتائیں اور ان سے ووٹ ڈلوائیں ،گارجین حضرات کو اس کام میں ان کے لیے سہولت پیدا کرنے کی بہت ضرورت ہے۔
یہ بھی پڑھیں:لوک سبھا انتخابات کے پہلے مرحلے کی مہم ختم، 102 سیٹوں پر 19 اپریل کو ووٹنگ ہوگی - Lok Sabha Election 2024 Campaign
رائے عامہ ہموار کرنے او ر ووٹنگ صد فیصد یقینی بنانے کے لیے سماجی کارکن اور دانشمند طبقہ آگے آئیں اور اپنا قومی وملی فرض پورا کریں۔ہرووٹ کی اہمیت ہے، اور ہر آواز ایک مضبوط ،زیادہ ہم آہنگ اور ملنسار معاشرے کی تعمیر میں اہمیت رکھتی ہے۔ آئیے ہم اکٹھے ہوں، اپنے جمہوری حق کا استعمال کریں ،اور اپنے ملک کی ترقی اور خوشحالی میںاپنا حصہ ڈالیں۔
اپیل کنندگان
(۱) امارت شرعیہ بہار اڈیشہ وجھارکھنڈ پھلواری شریف ،پٹنہ (۲) ادارہ شرعیہ سلطان گنج، پٹنہ بہار
(۳) جمعیۃ العلماء ہند، بہار (۴) جماعت اسلامی ہند، بہار حلقہ
(۵) جمعیت اہل حدیث،بہار (۶) مجلس علماء وخطباء امامیہ (اہل تشع) بہار
(۷) آل انڈیا مومن کانفرنس، بہار
