گلبرگہ: ریاست کرناٹک کے گلبرگہ شہر میں آل انڈیا او بی سی کے صدر شبیر انصاری نے دورہ کیا۔ اس موقع پر انھوں نے جمعیت باغبان گلبرگہ کے صدر و اراکین سے ملاقات کی۔ اس دوران الیاس سیٹھ صدر جمعیت باغبان کی صدرات میں اجلاس منعقد ہوا۔ جس میں کرناٹک میں بھی جمعیت باغبان کو ملک کی دیگر ریاستوں کی طرح کرناٹک میں بھی جمعیت باغبان کو او بی سی میں شامل کر نے کے لیے زور دیتے ہوئے آل انڈیا او بی کے صدر شبیر انصاری سے نمائندگی کرنے کی اپیل کی گئی۔ اس موقع پر آل انڈیا او بی سی کے صدر شبیر انصاری نے کہا کہ ملک میں باغبان برادری ایک بہت بڑی برادری ہے۔
انہوں نے کہا کہ ملک کی مختلف ریاستوں میں باغبان برادری کو او بی سی میں شامل کیا گیا ہے۔ خاص کے بہار، اتر پردیش، مہاراشٹر میں ان لوگوں کو پوری سہولیات مل رہی ہیں۔ مگر کرناٹک جیسی ایک ریاست کو چھوڑ کر باقی سب ریاستوں میں ان کو پوری او بی سی کی سہولت مل رہی ہے۔ جس سے ان کے بچے تعلیمی میدان میں پورا فائدہ اٹھا رہے ہیں اور باغبان برادری کے کئی طلباء ڈاکٹرس، انجینیرس اور آئی اے ایس آفیسر بھی بن رہے ہیں۔ اس لیے بہت جلد کرناٹک میں بھی وزیر اعلیٰ سدارامیا سے ملاقات کرکے کرناٹک میں بھی جمعیت باغبان کو او بی سی کی نمائندگی کرنے کا بھروسہ دیا۔
یہ بھی پڑھیں:
سرکاری وفد میں او بی سی لیڈر شبیر انصاری بھی موجود - OBC leader Shabbir Ansari
