علیگڑھ:ضلع علی گڑھ تھانہ سول لائن کے مسلم اکثریتی علاقے جمال پور کی رہائش تقریبا 22 سالہ شادی شدہ ثنا کی اس کی سسرال میں موت ہو گئی ہے باڈی کو پوسٹ مارٹم ہاوس پہنچا دیا گیا ہے۔
پوسٹ مارٹم ہاوس پر موجود ثنا کی ماں نے اس کے قتل کا الزام سسرال والوں پر لگایا ہے جہاں اس کی موت ہوئی ہے حالانکہ کہ ابھی باڈی کا پوسٹ مارٹم نہیں ہوا ہے اور فیلحال پولیس کی جانب سے بھی کوئی بیان سامنے نہیں آیا ہے اور مقتول کے خاندان والوں کی جانب سے بھی ابھی کوئی تحریر پولیس کو نہیں دی گئی ہے اس لئے یہ کہنا ممکن نہیں کہ ثنا کا قتل ہوا ہے یا نہیں اور کس نے کیا ہے۔
مقتول کی ماں کا کہنا کہ تقریبا تین سال قبل مینے اپنی بیٹی کی شادی جمال پور کے رہائشی عاصف سے اس لئے جلدی کردی تھی کیونکہ آج کل کا ماحول صحیح نہیں ہے, گزشتہ کچھ روز سے سسرال والوں اور میری بیٹی کے درمیان لڑائی چل رہی تھی جس کی اطلاع بیٹی نے مجھے دی تھی لیکن میں اس لئے نہیں آئی کیونکہ میں چاہتی تھی کہ بات گذر جائے تو بہتر ہے لیکن میری بیٹی کو اس کے شوہر عاصف اور سسر پپو نے کمرے میں بند کرکے بہت مارا تھا۔
