احمدآباد میں ایرو ماڈیول اور ڈرون مینوفیکچرنگ اسکل پر ورکشاپ کا اہتمام - Aero Modelling And Drone Workshop

احمدآباد کی شمع اسکول میں ایرو ماڈیول اور ڈرون مینوفیکچرنگ اسکل پر ورکشاپ کا اہتمام کیا گیا جس میں مختلف اسکولوں کے طلبا و طالبات نے جوش و خروش کے ساتھ حصہ لیا۔ اس پروگرام میں بڑی تعداد میں بچوں نے ڈرون اور ائیرو ماڈل بنانا سیکھا۔

احمدآباد: اس تعلق سے ٹرینر شعیب ملک نے کہا کہ آج ہم شمع اسکول میں ایرو ماڈیول اور ڈرون مینوفیکچرنگ اسکیل پر ایک ورکشاپ کا اہتمام کیا۔ یہ ورکشاپ بچوں اور نوجوانوں کے لیے ایروڈائینامکس اور ڈرون کی تعمیر کی پیچیدگیوں کے بارے میں معلومات ھاصل کرنے کا ایک بہترین موقع ہے۔

انہوں نے کہاکہ اس میں ڈرون کیسے بنتا ہے۔ ہوا میں اڑائے جانے والے ہوائی جہاز اور ڈرون کیسے بنائے جاتے ہیں۔ اس کا کیا طریقہ ہے۔ اس میں کیا فرق ہے اس کا کیا مستقبل ہے۔ وہ تمام طرح کی تفصیلی معلومات ہم نے ورکشاپ کے ذریعہ طلبا و طالبات کو دی۔

شمع اسکول کے پرنسپل ویجاپورا شاہد نے کہا کہ اسکول گرمیوں کی چھٹی جاری ہے ۔یہاں الگ الگ طریقوں سے طلبا و طالبات کو ہنر مند بنایا جا رہا ہے نئی نئی اسکلز سکھائے جا رہی ہے۔ اسے ہی مد نظر رکھتے ہوئے اس اسکول میں تین روزہ ایرو ماڈیول اور ڈرون بنانے کے ورکشاپ کا اہتمام کیا گیا۔

ان کا مزید کہنا تھا کہ ورکشاپ ریور سائیڈ اسکول، شمع اسکول اور شاہین فاؤنڈیشن کے اشتراک سے منعقد کی گئی ہے۔ ان اسکول کے طلبا و طالبات نے بھی ایرو ماڈل اور ڈرون بنانے کے سلسلے میں منعقدہ ورکشاپ میں کافی دلچسپی دکھائی۔