کولکاتا: ملک کی دوسری ریاستوں کی طرح مغربی بنگال میں بھی گزرتے وقت کے ساتھ ساتھ لوک سبھا انتخابات کو لے کر سرگرمیاں تیز ہوتی جا رہی ہیں۔ ریاست کی حکمراں جماعت ترنمول کانگریس کی سربراہ مختلف اضلاع کے دورے پر ہیں اسی درمیان راہل گاندھی کی بھارت جوڑو نیائے یاترا بھی جاری ہے۔ کوچ بہار سے راہل گاندھی کی بھارت جوڑو نیائے یاترا کی شروعات ہوئی ہے۔ مغربی بنگال کے جلپائی گوڑی، دارجلنگ کے بعد راہل گاندھی کی بھارت جوڑو یاترا مالدہ کی جانب گامزن ہے۔ راہل گاندھی کی یاترو کو مغربی بنگال میں چند مشکلات کا سامنا ہے۔
اسی درمیان مرشدآباد کے بہرامپور میں پریس کانفرنس کو خطاب کرتے ہوئے کانگریس کے رکن پارلیمان ادھیر رنجن چودھری نے کہاکہ ٹی ایم سی کی جانب سے لگائے گئے تمام الزامات بے بنیاد ہے۔اگر انہوں نے راہل گاندھی کی یاترا میں خلل ڈالنے کی کوشش کی ہے۔اگرمیری وجہ سے راہل گاندھی کی یاترا مشکل ہے تو میں ان کے راستے سے ہٹ جاوں گا۔
لوک سبھا میں کانگریس کے رہنما ادھیر رنجن چودھری نے کہا کہ مغربی بنگال میں بدعنوانی کے معاملے میں ملوث لوگوں کو بدعنوان کہہ رہا ہوں اسی وجہ سے لوگوں کو پریشانی ہو رہی ہے۔اگر بدعنوان کو بدعنوان کہنے کی وجہ سے راہل گاندھی کی یاترا میں خلل ڈالنے کی کوشش کی جا رہی ہے تو یہ بالکل غلط ہے۔
یہ بھی پڑھیں: راہل گاندھی کو دوپہر کے کھانے کیلئے مالدہ میں سرکاری گیسٹ ہائوس دینے سے انتظامیہ کا انکار
انہوں نے کہا کہ مغربی بنگال میں راہل گاندھی کی یاترا کو کسی بھی قیمت ہر کامیاب بنانے کی کوشش کی جارہی ہے۔بنگال کی عوام راہل گاندھی کی حمایت میں آگے آ رہے ہیں۔
