ممبئی: سماجوادی پارٹی مہاراشٹر کے صدر اور رکن اسمبلی ابو عاصم اعظمی نے ای ٹی وی بھارت سے خاص بات چیت میں کہا کہ کوئی پہلی بار پرفل بھائی سے ملنے نہیں گیا، جب سے سیاست میں ہوں نہ جانے کتنے بار ملا۔ اس کا یہ مطلب نہیں ہے کہ میں کسی دوسری پارٹی میں شامل ہو رہا ہوں۔
غور طلب ہو کہ ابو عاصم اعظمی سے جب یہ پوچھا گیا کہ فرضی خبر کہاں سے پھیلی، تو اُنہوں نے کہا کہ اس بات کی اطلاع مجھے بھی نہیں ہے۔ میں پچھلے کئی سالوں سے سماجوادی پارٹی میں ہوں اور آگے بھی سماجوادی پارٹی کے کاموں میں سرگرم رہوں گا۔
بھیونڈی میں رئیس شیخ کے سیاسی ڈرامے کو لے کر اُنہوں نے کہا کہ بھیونڈی میں جو ہوا اُس کی وجہ سے میرے تئیں افواہ اڑائی گئی۔ رئیس شیخ رکن اسمبلی ہیں، پارٹی چلانے کے لیے تجربے پارٹی کے لوگوں کو ہوتا ہے رکن اسمبلی کو نہیں۔ ہم نے ان پر بھروسہ کیا اور اُنہیں موقع دیا۔
یہ بھی پڑھیں:
- مہاراشٹر بجٹ میں اقلیتوں کو نظر انداز کردیا گیا، ابو عاصم اعظمی
- رئیس شیخ کے استعفیٰ کا اصلی سبب کیا ہے؟
رئیس شیخ کو لے کر اُنہوں نے کہا کہ پارٹی کے پرانے لوگوں کو ساتھ لے کر چلنا ہوگا، پورے مہاراشٹر میں قیادت کرنا ہے کیجئے لیکن سب کو ساتھ لے کر چلنا ہوگا۔ رئیس شیخ کے بیان پر کہ پارٹی میں موجود دلال کون ہے پر ابو عاصم اعظمی نے کہا کہ مجھے نہیں معلوم کون ہے۔ بھیونڈی میں ریاض اعظمی کو لے کر انہوں نے کہا کہ وہ بھی ہمارے پارٹی کے لوگ ہیں ہم اُنہیں کیسے نظر انداز کرسکتے ہیں۔
