پیرس: پیرس اولمپکس کے دوران محبت بھری ویڈیوز اور تصاویر کافی زیادہ وائرل ہو رہی ہیں۔ ایسی ہی ایک ویڈیو جمہوریہ چیک سے تعلق رکھنے والی ٹینس کے دو مخلوط کھلاڑیوں کی سوشل میڈیا پر کافی زیادہ سرخیوں بٹور رہی ہے۔
دراصل پیرس اولمپکس میں مکسڈ ٹینس ڈبلز ایونٹ میں جمہوریہ چیک کے جوڑی دار کیٹرینہ سینیاکووا اور ٹامس نے ڈبلز کیٹیگری میں گولڈ میڈل جیتنے کے بعد ایک دوسرے کو بوسہ دیا جسے کیمرے نے قید کر لیا۔ ان کا ایک دوسرے کو باوسہ لینا اس لیے زیادہ سرخیوں میں آگیا کیونکہ ان دونوں جوڑے چند روز قبل الگ ہوئے تھے۔
قابل ذکر ہے کہ کیٹرینا سینیاکووا اور ٹامس ماچک 2021 سے ہی ایک دوسرے کو ڈیٹنگ کر رہے تھے۔ ان کا شمار ٹینس کی دنیا کے پاور کپلز میں بھی ہوتا ہے۔ تاہم انہوں نے پیرس اولمپکس 2024 کے آغاز سے قبل ہی علیحدگی کا اعلان کر دیا تھا۔
ایک دوسرے سے الگ ہونے کے بعد جب دونوں نے میچ کے بعد ایک دوسرے کو بوسہ دیا تو سب حیران رہ گئے اور کچھ ہی دیر میں یہ ویڈیو سوشل میڈیا پر سرخیوں میں آگیا۔ واضح رہے کہ اس سے قبل اسی طرح کی ایک ویڈیو سوشل میڈیا پر اس وقت وائرل ہوگئی تھی جب ایک بیڈمنٹن کھلاڑی نے مکسڈ ڈبلز ٹیم ایونٹ میں گولڈ میڈل جیتنے کے بعد اپنی گرل فرینڈ کو میچ کے بعد ہی شادی کی پیشکش کردی۔
