کولکاتا:کے کے آر اور آر آر کے درمیان کھیلے گئے میچ کے بعد نارائن نے کہاکہ ابھی تو فی الحال میں نے بین الاقوامی کرکٹ سے ریٹائرمنٹ لے لیا ہے، لیکن دیکھتے ہیں مستقبل میں کیا ہوتا ہے۔ویسٹ انڈیز کے ٹی-20 کپتان اور اس میچ میں نارائن کے حریف روومین پاول نے بھی کل کے میچ کے بعد اعتراف کیا کہ وہ مسلسل کوشش کر رہے ہیں کہ نارائن اپنا فیصلہ بدلیں۔
انہوں نے کہاکہ پچھلے 12 مہینوں سے میں مسلسل نارائن کے کان میں سرگوشی کر رہا ہوں کہ انہیں ریٹائرمنٹ سے باہر آنا چاہیے۔ حالانکہ وہ کسی کی نہیں سنتے۔ میں نے اس بارے میں کیرون پولارڈ، ڈوین براوو اور نکولس پورن سے بھی بات کی ہے۔ امید ہے کہ ٹیم کا انتخاب ہونے تک نارائن اور سب مل کر اس پر فیصلہ کریں گے۔
یہ بھی پڑھیں:بٹلر کی جارحانہ بلے بازی کی بدولت راجستھان کی کولکاتا کو دو وکٹوں سے شکست - IPL 2024
انہوں نے کہا کہ ٹیم کا حوصلہ بہت بلند ہے۔ یہاں تک کہ جب میں نہیں کھیل ہوتا ہوں تب بھی ٹیم مینجمنٹ کے لوگ مجھ سے واضح کر بات کرتے ہیں۔ میں نے انہیں بتایا ہے کہ میں ویسٹ انڈیز کے لیے چوتھے یا پانچویں نمبر پر بیٹنگ کرتا ہوں اس لیے مجھے بھی اوپر بھی بھیجا جا سکتا ہے۔قابل ذکر ہے کہ نارائن نے گزشتہ سال نومبر میں ریٹائرمنٹ لے لیا تھا اور کہا تھا کہ وہ گھر بیٹھ کر ٹی 20 ورلڈ کپ کا لطف اٹھائیں گے۔
یو این آئی
